અચરજ પમાડે તેવો કિસ્સો : રાજુલામાં પ્રસૂતાએ એક સાથે ચાર તંદુરસ્ત બાળકોને આપ્યો જન્મ

અમરેલી જિલ્લાના રાજુલામાં તબીબી વિજ્ઞાનને અચરજ પમાડતો કિસ્સો સામે આવ્યો છે, શહેરમાં રહેતા રેશ્માબેન સેલોત નામની મહિલાએ એક સાથે ચાર બાળકોને જન્મ આપ્યો છે. ઉલ્લેખનીય છે કે, ચાર બાળકોમાં બે બાળકો અને બે બાળકીનો સમાવેશ થાય છે, મુશ્કેલ કહી શકાય તેવી પ્રસુતિ બિલકુલ સામાન્ય સંજોગોમાં તબીબોએ પાર પાડી છે, હાલ માતા અને ચાર નવજાત બાળકોની તંદુરસ્ત અને ભયમૂક્ત છે. આ પ્રકારનો કિસ્સો તબીબી વિજ્ઞાન માટે પણ ખૂબ જ અચરજ પમાડે તેવો છે.

• રાજુલા શહેરમાં મહિલાએ એક સાથે ચાર બાળકોને આપ્યો જન્મ
• તબીબી વિજ્ઞાન માટે અચરજ પમાડે તેવો કિસ્સો સામે આવ્યો
• નવજાત બાળકો પૈકી બે બાળકો અને બે બાળકીનો સમાવેશ

અમરેલી : જિલ્લાના રાજુલા શહેરમાં તબીબી વિજ્ઞાન ક્ષેત્રે ખૂબ જ અચરજ પમાડે તેવો કિસ્સો સામે આવ્યો છે, શહેરમાં રહેતી રેશ્માબેન સેલોત નામની મહિલાએ એક સાથે ચાર તંદુરસ્ત બાળકને જન્મ આપ્યો છે. પ્રસૂતિ દરમિયાન માતા અને બાળકોની તબિયત બિલકુલ સામાન્ય જોવા મળી હતી, તેમ છતાં તબીબોએ તમામ સાવચેતી બાદ મહિલાને પ્રસૂતિ કરાવી હતી, જેમાં 4 તંદુરસ્ત બાળકોનો જન્મ થયો છે. જન્મ બાદ રાજુલા શહેરમાં આ કિસ્સો ટોક ઓફ ધ ટાઉન બની રહ્યો છે. એક સાથે ચાર જેટલા નવજાત અને એ પણ બિલકુલ તંદુરસ્ત બાળકોને જન્મનો કિસ્સો પ્રથમ વખત નોંધાયો છે, જેને લઇને રાજુલા શહેરમાં ભારે અચરજની સાથે તબીબી વિજ્ઞાન ક્ષેત્રે સંકળાયેલા લોકોમાં આ કિસ્સો ખૂબ જ ચર્ચાનો વિષય બન્યો છે.

માતા સહિત ચારેય બાળકો બિલકુલ તંદુરસ્ત

મળતી માહિતી પ્રમાણે માતા અને ચારેય નવજાત બાળકોની તંદુરસ્તી બિલકુલ સારી અને તબીબોએ માતા સહિત ચાર બાળકોને ભય મૂક્ત જાહેર કર્યા છે, એક સાથે ચાર બાળકોનો જન્મ થયો છે જે ચમત્કારથી જરા પણ ઓછો માનવામાં આવતો નથી, નવાઈની વાત એ છે કે ચાર બાળકોમાં બે બાળકો અને બે બાળકીનો સમાવેશ થાય છે, આ પ્રકારનું જોડકું પણ તબીબી વિજ્ઞાન માટે ખુબ જ રસપ્રદ માનવામાં આવી રહ્યું છે.

આ પ્રકારની પ્રસુતિ જોખમી

જોડિયા બાળકોના જન્મના અનેક કિસ્સાઓ સામે આવી ચૂક્યા છે, પરંતુ રાજુલાના કિસ્સામાં બે બાળકો અને બે બાળકીનો જન્મ થવો ખૂબ જ અચરજ પમાડે તેવો જોવા મળ્યો છે, સામાન્ય સંજોગોમાં આ પ્રકારની પ્રસુતિ જોખમી માનવામાં આવતી હોય છે, પરંતુ આજે રેશ્માબેન મુશ્કેલ ગણાતી પ્રસુતિને ચાર તંદુરસ્ત બાળકોને જન્મ આપીને પ્રસ્તુતિને આસાન બનાવી દીધી છે, તેનો શ્રેય માતા રેશ્માબેનની સાથે તેમની પ્રસ્તુતિ કરાવનાર તબીબોને પણ જાય છે.

અમદાવાદમાં ડૉકટર દ્બારા ળકની સફળતાપૂર્વક ડિલિવરી

ડૉકટર ભગવાનનું સ્વરૂપ હોય છે, તેવું લોકોનું માનવું છે. જે સાબીત કરતા અનેક કિસ્સા પણ સમયાંતરે સામે આવતા રહે છે. આવો જ એક કિસ્સો અમદાવાદની હૉસ્પિટલમાંથી સામે આવ્યો છે. જેમાં ડૉકટર દ્વારા રેર ઓફ ધ રેર સર્જરી કરવામાં આવી હતી અને આંતરડા પર વિકસિત થયેલા બાળકની સફળતાપૂર્વક ડિલિવરી કરવામાં આવી હતી.

અમદાવાદના ડૉકટર પાસે સારવાર કરાવતા સમયે જાણ થઇ હતી

ખેડા જિલ્લાના એક ગામની 30 વર્ષીય પરિણીતા ગર્ભવતી હોવાને કારણે નિયમિતપણે ડૉકટર તપાસ કરાવવા માટે જતી હતી. ત્યારે આ પરિણીતાને ડૉકટર દ્વારા જાણ કરવામાં આવી હતી કે, તેમની સ્થિતિ સામાન્ય નથી, માટે તેમને અમદાવાદ જઇને અને ઈલાજ કરાવે. જે બાદ પરિણીતા અમદાવાદની હૉસ્પિટલમાં તપાસ કરાવી ત્યારે તેમનું બાળક ગર્ભમાં નહીં પણ આંતડામાં વિકાસી રહ્યું હોવાનું સામે આવ્યું હતું.

આ પણ વાંચો: