સ્વયં સૈનિક દળ દ્વારા રાજુલાના અસરગ્રસ્ત ગામોમાં રાશનનું કીટ વિતરણ

તૌકતે વાવાઝોડાના વિનાશ બાદ બેઘર અને અસરગ્રસ્ત લોકો માટે સ્વયં સૈનિક દળના યુવાનો રાશન કિટ તૈયાર કરીને જરૂરિયાતમંદ લોકોને આપવાની સેવા શરૂ કરી છે. યુવાનોએ 1,500 જેટલી રાશન કિટ તૈયાર કરીને આસપાસના ગામોમાં વિતરણ શરૂ કર્યું છે.

• સ્વયં સૈનિક દળ દ્વારા રાજુલાના અસરગ્રસ્ત ગામોમાં રાશન કીટનું વિતરણ
• રાજુલા તાલુકાના અસરગ્રસ્ત લોકોની વ્હારે આવ્યું સ્વયં સૈનિક દળ
• સ્વયં સૈનિક દળ ફંડ ફાળો લીધા વગર સ્વખર્ચે કરે છે ઉમદા કામ

અમરેલી : રાજ્યમાં આવેલા તૌકતે વાવાઝોડાના કારણે રાજુલા તાલુકાના અનેક લોકો બેઘર બની ગયા છે. ઘણા ગામોમાં પીવાના પાણી અને ભોજનના ફાફા પડી રહ્યા છે. લોકોના મકાન પડી જવાથી ઘર વખરી પલળી ગઈ છે, અનાજ બગડી ગયું છે. લોકો હાલ અનેક મુશ્કેલીનો સામનો કરી રહ્યા છે. અનેક લોકોને તૌકતે વાવાઝોડાની અસર થઇ છે, ત્યારે તૌકતે વાવાઝોડાના વિનાશ બાદ બેઘર અને અસરગ્રસ્ત લોકો માટે સ્વયં સૈનિક દળના યુવાનો રાશન કિટ તૈયાર કરીને જરૂરિયાતમંદ લોકોને આપવાની સેવા શરૂ કરી છે. યુવાનોએ 1,500 જેટલી રાશન કિટ તૈયાર કરીને આસપાસના ગામો જેવા કે, ભેરાઇ, ઉચૈયા, થોરડી વગેરે ગામોમાં બેઘર લોકોને જીવન જરૂરિયાતના રાશન કીટનું વિતરણ કરવામાં આવ્યું છે.

રાજુલા તાલુકાના અસરગ્રસ્ત લોકોની વ્હારે આવ્યું સ્વયં સૈનિક દળ

આ પણ વાંચો -પોરબંદર પોર્ટ લવાયેલી તામિલનાડુની બોટના સભ્યોને પોલીસે રાશન પહોંચાડ્યું

આકરા સમયમાં લોકોની વ્હારે આવ્યું સ્વયં સૈનિક દળ

સ્વયં સૈનિક દળ સંગઠનના યુવાનો કોઈ પણ પ્રકારનો ફંડ ફાળો લીધા વગર પોતાના સ્વખર્ચે રાશન કીટનું વિતરણ કરી રહ્યા છે. ઘરે ઘરે જઈને પોતે રૂબરૂ પરિસ્થિતિનું નિરીક્ષણ કરીને પીવાનું પાણી, અનાજ, કઠોળ, માસ્ક, સેનિટાઈઝેર વગેરે જીવન જરૂરિયાત વસ્તુ લોકો સુધી હાથો હાથ પહોંચાડીને આકરા સમયમાં મદદ કરી રહ્યા છે.

સ્વયં સૈનિક દળ દ્વારા રાજુલાના અસરગ્રસ્ત ગામોમાં રાશન કીટનું વિતરણ

આ પણ વાંચો -કપરાડાના રોહિયાળ તલાટ ગામે જરૂરિયાતમંદ મહિલાઓને રાશન કીટનું વિતરણ કરાયું