સોાનની દાણચોરીના કેસમાં આરોપીના જામીન પર કોર્ટમાં સુનવણી

અમદાવાદ: સોનાની દાણચોરીના પ્રકરણમાં કસ્ટમ સુપ્રિટેન્ડેન્ટ સોમનાથ ચૌધરીની સંડોવણી ખુલતા DRIA દ્વારા પુરાવા એકત્રિત ચૌધરીને ઝડપી જેલમાં મોકલ્યા છે. જ્યાંથી આરોપીએ જામીન માટે અરજી કરી હતી. જેમાં આરોપીએ પોતે નિર્દોશ હોય અને ખોટી રીતે સંડોવણી દર્શાવી હોય, તેજ અધિકારી હોવાથી ક્યાંય નાસી કે ભાગી જવાનો નથી, જેથી કર્ટ દ્વારા જામીન આપવામાં આવે તેવી માંગણી કરી છે.

આરોપીની જામીન અરજી સામે DRIA એફિડેવીટ રજૂ કરી હતી. જેમાં આખાય કાવતરાનો ઘટસ્ફોટ કરવાની સાથે રજૂઆત કરાઈ છે કે, 27 જૂનના રોજ શાહિદ્લુહા ચૌધરી અને મહમ્મદ મન્સુરીને સોના અને કેટલાક સામાનની દાણચોરી કરતા ઝડપી લેવામાં આવ્યા હતા. તેમની તપાસ કપતા એવી વિગત ખૂલી છે કે, આખુ રેકેટ દુબઈનો સમીમ અને મુંબઈનો મહંમદ આઝમ ચલાવે છે. તેઓ દુબઈથી કેરીયર મારફતે દાણચોરીનું સોનુ મોકલતા હતા. ત્યાંથી વોટ્સઅપ પર કેરીયરનો ફોટો સુપ્રિટેન્ડેન્ટ ચૌધરીને મોકલાવતા હતા. ચૌધરી જ્યારે ઓન ડ્યુટી હોય તે સમય તેઓ દાણચોરી માટે પસંદ કરતા હતા. કેરીયરનો દર ટ્રીપમાં 25 હજાર અપાતો હતો. જ્યારે ચૌધરીને અત્યાર સુધી 5.50 લાખ આંગડીયા માકતે મોકલવામાં આવ્યા છે. કેરીયર બહાર નીકળે પછી પૂર્ણીમાં આંગડીયામાં પૈસા મોકલવામાં આવતાં હતા. આ પૈસા ચૌધરીનો વહીવટ વહીવટદાર પંકજ મગનાની લેવા જતો હતો. તેમજ કેટલાક પૈસા બેંકમાં પણ મૂક્યા હતા. પંકજ હાલ નવરંગ પુરા ખાતે અનિકેત સ્ટોર નામે દુકાન ધરાવે છે.