ભાવનગરઃભાવનગરના ડમીકાને પગલે નોંધાયેલી ફરિયાદમાં 36 શખ્સો સામે ફરિયાદ નોંધાવી છે. ફરિયાદના 36 આરોપી બહાર રહેલા બીપીન ત્રિવેદી નામના નગર પ્રાથમિક શિક્ષણ સમિતિની શાળા નંબર 38 ના શિક્ષકનો એક વિડીયો વાયરલ થયો હતો. જેમાં ડમીકાંડમાં કેટલાક નામો નહીં જાહેર કરવા માટે યુવરાજસિંહ જાડેજાએ 55 લાખ લીધા હોવાનો આક્ષેપ કર્યો હતો. આ વિડીયો વાયરલ થતા પોલીસે હવે પૂછતાછ આદરી છે. ભાવનગર એસઓજીના સમન્સ મળ્યા બાદ યુવરાજસિંહ જાડેજાએ વિવાદાસ્પદ ટ્વીટ કરતા ફરી ચર્ચા ફેલાય છે.
જાડેજાએ વિવાદાસ્પદ ટ્વીટ કરતા ફરી ચર્ચાઃજો કે યુવરાજસિંહ સાથે બીપીન ત્રિવેદીને ઘર જેવા સંબંધ હોવાની પણ સૂત્રોમાંથી વિગત જાણવા મળી હતી. તે પ્રમાણે બીપીન ત્રિવેદીએ યુવરાજસિંહને પોતાના સમાજના કેટલાક લોકોના નામ નહીં લેવા માટે નામ નહીં લેનાર લોકો પાસેથી 55 લાખ મેળવી આપ્યા હોવાનો વિડીયો વાયરલ થયો હતો. જો કે સમન્સ બાદ પણ યુવરાજસિંહે ટ્વીટ કર્યુ છે કે, મારા પાસે બહુ મોટા અને ભયાનક સ્કેમ ની માહિતી છે હું એની ઉપર કામ પણ કરી રહીયો છું. એને ઉજાગર કરવા બહાર રહેવું સારું કે જેલમાં જઈને શાંત થઈ જવું સારું ??
યુવરાજસિંહ સામેના આક્ષેપનો વાયરલ વીડિયો:બીપીન ત્રિવેદીનો વિડીયો ડમીકાંડની એફઆઇઆર નોંધાયા બાદ વાઇરલ થયા પછી સૂત્રોમાંથી જાણવા મળ્યા મુજબ બીપીન ત્રિવેદી છેલ્લા ત્રણ દિવસથી પોલીસના સકંજામાં હોવાનું માનવામાં આવી રહ્યું હતું. યુવરાજસિંહ જાડેજાને 55 લાખ પ્રેસ કોન્ફરસમાં ડમીકાંડમાં કેટલાક નામો નહિ લેવા માટે લીધા હોવાનો આક્ષેપ બીપીન ત્રિવેદીએ વાયરલ વીડિયોમાં કર્યો હતો. આક્ષેપોના વિડીયોની વચ્ચે ગુજરાતની એટીએસ પણ તપાસમાં જોડાઈ હોવાની ચર્ચા જાગી હતી. બીપીન ત્રિવેદીએ તેના સમાજના કેટલાક લોકો હોય જેનું નામ જાહેર ન કરવા માટે યુવરાજસિંહને જણાવ્યું હતું.