અમદાવાદ: ગુજરાત પોલીસની છાપ સુધારવા માટે રાજ્ય સરકાર અને પોલીસના સિનિયર અધિકારીઓ દ્વારા અનેક કામગીરી કરવામાં આવે છે. પરંતુ અમુક પોલીસમાં કર્મચારીઓ એવા છે કે જે ગુજરાત પોલીસનું નામ ખરાબ કરી રહ્યા છે. આવી જ એક ઘટના અમદાવાદમાં સામે આવી છે. 26 ઓક્ટોબરે એન્ટીકરપ્શન બ્યુરોએ ત્રણ લાખની લાંચ લેતા કોન્સ્ટેબલને ઝડપ્યો હતો. ત્યારે ફરિયાદીએ આજે વહેલી સવારે જ સાબરમતી નદીમાં સુસાઇડ મેસેજનો વીડિયો સોશિયલ મીડિયામાં વાયરલ કર્યો હતો.
ફરિયાદી રાકેશ ત્રિવેદીનો સુસાઇડ મેસેજ:
"ફરિયાદી રાકેશ ત્રિવેદીએ 36 સેકન્ડના વીડિયોમાં પોતાની આપવીતી કહી હતી. વીડિયોમાં નિવેદન આપ્યું હતું કે હું રાકેશ ઉપેન્દ્રકુમાર ત્રિવેદી, પોલીસ અને તંત્ર મારી એક ભૂલના કારણે મને બહુ હેરાન કરી રહ્યા છે. હાર્દિક પરમાર અને તેમના ઉપરી અધિકારી જાડેજા સાહેબે દસ લાખની માંગણી કરી હતી, અત્યાર સુધી મેં ધીમે ધીમે ટુકડે ટુકડે કરીને 6 લાખ રૂપિયા આપી ચૂક્યો છું. પરંતુ હજુ પણ મારા ઘરે આવવાની, મારવાની ધમકી, પોલીસ ફરિયાદ કરવાની ધમકી આપીને પૈસા માંગી રહ્યા છે. અત્યારે મારી પાસે કંઈ છે નહીં અને કંઈ થાય એવું નથી એટલે હું મારું જીવન ટૂંકાવી આવી રહ્યો છું. આ બધામાં જવાબદાર હરદીપ પરમાર અને જાડેજા સાહેબ રહેશે."
ફરિયાદીની સુસાઇડના નથી પુરાવા: ફરિયાદી રાકેશ ત્રિવેદીએ સોશિયલ મીડિયામાં સુસાઇડનો મેસેજ બનાવીને વાયરલ કર્યો છે. આ બાબતે ETV ભારતે સાબરમતી રિવરફ્રન્ટ ખાતે ફાયર બ્રિગેડના રેસ્ક્યુ અધિકારી ભરત માંગેલા સાથે ટેલિફોનિક વાતચીત કરી હતી જેમાં ભરત માંગેલાએ જણાવ્યું હતું કે અત્યાર સુધીમાં સુસાઇડના એક પણ કેસ આજના દિવસમાં આવ્યા નથી અને ફાયર બ્રિગેડને પણ જાણ થઈ નથી. ઉપરાંત જો કોઈ વ્યક્તિએ સુસાઇડ કર્યું હોય તો ગણતરીની મિનિટોમાં ડેડબોડી નદીની ઉપર પાણીની સપાટી પર આવતી હોય છે પરંતુ તે પણ બન્યું નથી.
શું હતો સમગ્ર મામલો ?અમદાવાદ એન્ટીકરપ્શન બ્યુરો દ્વારા અમદાવાદ સાયબર પોલીસ સ્ટેશનના લાંચીયા કોન્સ્ટેબલની ફરિયાદ આવી હતી. જેમાં ફરિયાદી તરીકે રાકેશ ત્રિવેદીએ ACBમાં ફરિયાદ આપી હતી કે આરોપી હરદીપસિહ ધર્મેન્દ્રસિહ પરમાર, ઉ.વ. ૩૨ કે જે સાયબર ક્રાઇમ પોલીસ સ્ટેશન અમદાવાદ શહેરમાં ફરજ બજાવે છે. તેઓએ ફરિયાદી વિરુદ્ધ FIR નહીં કરવા અને ફ્રીજ થયેલ ફેડરલ બેંકનું ફ્રીજ થયેલ ખાતુ ખોલવા માટે 10 લાખની માંગ કરી હતી. જેમાં ફરિયાદીએ કટકે કટકે 6 લાખની ચુકવણી કરી હતી. તેમ છતાં બાકીના 3 લાખની માંગ કોન્સ્ટેબલ હરદીપસિંહ ધર્મેન્દ્રસિંહ પરમાર દ્વારા કરવામાં આવી હતી. તેમણે ફરિયાદી રાકેશ ત્રિવેદીને કેમ્પ હનુમાન ટેલીફોન એક્ષચેંજ બસસ્ટેન્ડ પાછળ, શાહીબાગ ખાતે લાંચના રૂપિયા આપવા બોલાવ્યા હતા. એ દરમિયાન જ ACB દ્વારા છટકું ગોઠવીને કોન્સ્ટેબલ હરદીપસિંહ પરમારને રંગે હાથે ઝડપી લેવામાં આવ્યો હતો.
કોન્સ્ટેબલને ડિટેઇન કરાયો:એન્ટીકરપ્શન બ્યુરો દ્વારા બહાર પાડવામાં આવેલી માહિતી મુજબ હાલમાં અમદાવાદ સાયબર પોલીસ સ્ટેશનના કોન્સ્ટેબલ હરદીપસિંહ પરમારને એસીબી દ્વારા ડિટેઇન કરી વધુ તપાસ હાથ ધરવામાં આવી છે. ઉલ્લેખનીય છે કે કુલ 10 લાખની લાંચ પ્રકરણમાં સાત લાખ લીધા છે તે હવે ક્યાં છે ? આ સમગ્ર લાંચ પ્રકરણમાં કયા કયા અધિકારીઓનો સમાવેશ થાય છે તે બાબતે પણ ACB દ્વારા હવે વધુ તપાસ હાથ ધરવામાં આવશે. ફરિયાદી રાકેશ ત્રિવેદીએ અંતિમ વીડિયો મેસેજમાં કોન્સ્ટેબલ જયદીપ પરમાર અને ઉપરી અધિકારી જાડેજા પર આક્ષેપ કર્યા છે ત્યારે ACB દ્વારા આ મુદ્દે તપાસ હાથ ધરવામાં આવશે.
- Bribery Policeman : હવે સાયબર સેલમાં લાંચ સિસ્ટમ ? 3 લાખની લાંચ લેતા પોલીસકર્મી ઝડપાયો
- Dahod 'Chaddi Baniyan' Gang: કડિયાને કામ કરવા ઘરે બોલાવો તો ચેતજો, મજૂરીની આડમાં ચોરી કરતી દાહોદની ગેંગ ઝડપાઈ
