અમદાવાદ શહેરમાં આત્મહત્યાનો બનાવ સામે( Mass suicide of police family in Ahmedabad )આવ્યો છે. શહેરના ગોતા વિસ્તારમાં રહેતા એક પોલીસકર્મીએ તેના પરિવાર સાથે 12મા માળેથી કૂદીને આત્મહત્યા કરી છે. આ પોલીસ પરિવારનો એક વિડીયો સામે આવ્યો છે. જેમાં જોઈ શકાય છે કે બાળકી પિતાની આંગળી પકડીને દરીયા કાંઠે રમી રહી છે. શહેરમાં ગોતા વિસ્તારમાં દીવા હાઇટ્સમાં રહેતા પોલીસકર્મી કુલદીપસિંહ યાદવે પત્ની અને બાળકી સાથે આત્મહત્યા કરીે છે. તેઓ વસ્ત્રાપુર પોલીસ સ્ટેશનમાં ફરજ બજાવતા હતા.
પોલીસ પરિવારે આત્મહત્યા કરીપોલીસકર્મીના આત્મહત્યા કરવા પાછળ કયું કારણ છે એ હાલમાં જાણી શકાયું નથી. પોલીસ હાલ ઘટનાસ્થળે પહોંચી ગઈ છે. ત્રણ વર્ષની બાળકી આકાંક્ષી, પત્ની રિદ્ધિબહેન અને પોલીસકર્મી કુલદીપસિંહ યાદવે મોડી રાત્રે દોઢ વાગે 12મા માળેથી ઝંપલાવીને આત્મહત્યા કરી છે. કુલદીપસિંહના બહેન તેમની નજીકમાં જ રહે છે. આત્મહત્યા પાછળનું કારણ જાણવા પોલીસે તજવીજ શરૂ કરી છે.
સિનિયર અધિકારીઓ ઘટનાસ્થળે દોડી ગયાપોલીસને આ ઘટનાની જાણ થતાં સોલા પોલીસ સ્ટેશનના સિનિયર અધિકારીઓ ઘટનાસ્થળે દોડી ગયા હતા. પોલીસ પરિવારની સામૂહિક હત્યાનો આ પહેલો બનાવ છે. કુલદીપસિંહ અને તેમના પત્નીએ આ પ્રકારનું અંતિમ પગલું કેમ ભર્યું એની તપાસ પોલીસે શરૂ કરી દીધી છે. હાલમાં સોલા સિવિલ હોસ્પિટલ ખાતે પોસ્ટમોર્ટમની કાર્યવાહી ચાલુ છે. આ ઘટનાના ઘેરા પ્રત્યાઘાત પોલીસ પરિવારમાં પડ્યા છે.
