અમદાવાદ: શાહીબાગના પ્લેટિના હાઇટ્સ ખાતે રહેતા કોર્પોરેટર પ્રતિભાબહેન જૈન 4 જૂને બપોરના સમયે તેમના ઘર સામેથી લારીમાંથી ફ્રૂટની ખરીદી કરી હતી. ત્યારબાદ એક્ટિવાની આગળની જગ્યાએ ફ્રુટ અને પર્સ મુકીને મહિલા કોર્પોરેટર પોતાના ઘરે પરત જવા રસ્તો ક્રોસ કરવા ઉભા હતા. તે સમયે બાઈક પર બે અજાણ્યા શખ્શો આવ્યા હતા. જોકે, મહિલા કંઈ સમજે તે પહેલા જ એક્ટિવા આગળ રાખેલા પર્સની ચોરી કરી પલાયન થઈ ગયા હતા. જેથી બુમાબુમ થતા આસપાસના લોકો ભેગા થઇ ગયા હતા. પરંતુ લૂંટારુંઓ આંખના પલકારામાં ત્યાંથી ફરાર થઇ ગયા હતા.
અમદાવાદમાં એક્ટિવા લઈને ઉભેલા મહિલા કોર્પોરેટરનું પર્સ લઈ ગઠિયાઓ ફરાર