અમદાવાદઃ હાઇકોર્ટમાં રાજ્ય સરકાર સામે વાલીઓ તરફે દાખલ કરાયેલી પિટિશનમાં રજૂઆત કરવામાં આવી હતી કે, શાળાના સંચાલકોની ભૂલની સજા વિદ્યાર્થીઓને મળવી ન જોઈએ. અરજદાર તરફે રજૂઆત કરવામાં આવી હતી કે, શાળાના સંચાલકોએ CBSEમાં ગુજરાત સરકારની નકલી NOC રજૂ કરી હોવાથી રાજ્ય સરકાર અને CBSE દ્વારા શાળાની માન્યતા રદ કરવામાં આવી હતી.
DPS સ્કૂલ મુદ્દે હાઇકોર્ટે રાજ્ય સરકારને નોટિસ પાઠવી ખુલાસો માંગ્યો નોંધનીય છે કે, આગામી માર્ચ મહિના સુધી શાળાનો વહીવટ રાજ્ય સરકાર દ્વારા કરવામાં આવશે અને પછી શાળાને બંધ કરી દેવામાં આવશે. વાલીઓ તરફે રજૂઆત કરવામાં આવી હતી કે, શાળા સંચાલકો દ્વારા કરાયેલી ભૂલની સજા વિદ્યાર્થીઓને આપી શકાય નહીં અને સંચાલકોએ ભૂલ કરી છે. તો તમને કાયદા અનુસાર સજા મળવી જોઈએ.
પૂજા મંજુલા શ્રોફ અન્ય શાળાઓ પણ ચલાવે છે, ત્યારે સરકારે માત્ર એક શાળા બંધ ના કરવી જોઈએ. વર્ષ 2010માં CBSE સાથે જોડાણ માટે DPS ઇસ દ્વારા ગુજરાતના શિક્ષણ વિભાગની એનઓસી રજૂ કરવામાં આવી હતી. તે નકલી હોવાનું બહાર આવતા રાજ્ય સરકારે શાળાની માન્યતા રદ કરી હતી.
