ગુજરાત

gujarat

ETV Bharat / state

પ્રાઇવટ ટ્યુશન ક્લાસીસ ચલાવનાર સામે કોર્ટની લાલ આઁખ - Gujarat

અમદાવાદ: વર્ષ 2002ના રાજ્ય સરકારની સ્કુલમાં શિક્ષણ આપતા શિક્ષકોને ટ્યુશન ન ચલાવવા બાબતે ઠરાવ જારી કરાવામાં આવ્યો છે. જે ઠરાવનો યોગ્ય અમલીકરણ ન થતાં ગુરુવારે આ મામલે હાઈકોર્ટમાં જાહેરહિતની અરજી દાખલ કરવામાં આવી હતી. હાઈકોર્ટે આ મામલે જિલ્લા શિક્ષણ અધિકારી, માધ્યમિક બોર્ડ અને શિક્ષણ સચિવને નોટિસ પાઠવી અગામી 22મી એપ્રિલ સુધી જવાબ રજુ કરવાનો આદેશ કર્યો છે.

ફાઇલ ફોટો

By

Published : Mar 29, 2019, 2:00 AM IST

શિક્ષણના વેપારીકરણ અને શિક્ષકોની લોભવૃત્તિને ઉજાગર કરતી જાહેરહિતની અરજી હાઇકોર્ટ સમક્ષ થઇ છે. જેમાં જણાવ્યું છે કે, રાજ્ય સરકાર દ્વારા વર્ષ 2002માં એક ઠરાવ કરીને સ્કૂલમાં શિક્ષણ આપતાં શિક્ષકોને ટ્યુશન કરવા પર પ્રતિબંધ લાદવામાં આવ્યો હતો. જો તેમ છતાં પણતેઓ ટ્યુશન આપે કે ક્લાસિસ ચલાવે તો તેમને નોકરીથી દૂર કરવાની સજા પણ રાખવામાં આવી છે.

તેમ છતાંરાજ્યભરના અનેક શિક્ષકો અને શૈક્ષણિક સંસ્થાઓ આ ઠરાવનો સરેઆમ ભંગ કરીને ટ્યુશન અને ક્લાસિસ ચલાવે છે. ખાસ કરીને ધોરણ 10ના વિદ્યાર્થીઓને ઇન્ટરનલ માર્ક્સની લાલચમાં શિક્ષકો ટ્યુશન ક્લાસ સુધી ખેંચી લાવે છે, અને ‘શિક્ષણ’ને ‘વેપાર’ બનાવી રહ્યા છે. શિક્ષણના આ વેપારીકરણને અંકુશમાં લેવા અને જવાબદારો સામે પગલાં લેવાની માગ સાથે હાઇકોર્ટમાં જાહેરહિતની અરજી કરવામાં આવી હતી. એક વાર જવાબ રજુ કરવાના હાઈકોર્ટના આદેશ છતાં પક્ષકારોએ જવાબ રજુ ન કરતા કોર્ટે લાલ આંખ કરી જવાબ રજુ કરવા માટે પક્ષકારોને આદેશ કર્યો છે.








ABOUT THE AUTHOR

...view details