તેજસનું પહેલું ખાણું કેવું રહ્યું ? ગુજરાતી થાળીમાં પીરસાયું આ ભોજન...

તેજસ એક્સપ્રેસઃ અમદાવાદથી મુંબઈ વચ્ચે આજે પ્રથમ ખાનગી તેજસ એક્સપ્રેસ ટ્રેન શરૂ થઈ છે. મહત્વની વાત કરવામાં આવે આ ટ્રેનમાં સવારનો નાસ્તો અને બપોરનું જમવાનું ગુજરાતની જનતાને ધ્યાનમાં રાખીને જ રાખવામાં આવ્યો હોય તેવું લાગી રહ્યું છે.

ટ્રેનની લાંબી સફર હોય ત્યારે ગુજરાતી ગૃહિણીઓ ખાસ ઘરનું જમવાનું બનાવવાનું અને પેક કરીને સાથે લેવાનું ભૂલતી નથી. ત્યારે હવે ટ્રેનમાં જ રોજિંદું ભોજન હોય તેવી ગુજરાતી થાળી મળવાનું શરુ થતાં ગુજરાતી પ્રવાસીઓને આનંદનો અનુભવ થઈ શકે છે. એટલું જ નહીં પોતાના ખાનગી વાહનમાં આરામથી પ્રવાસ કરતાં હોય તેવો અનુભવ થશે.

IRCTCના ટુરિઝમ અને માર્કેટિંગના ડીરેક્ટર રજની હસીજાએ ETV ભારત સાથે વાતચીત કરતા જણાવ્યું હતું કે, તેજસ ટ્રેન શરૂ કરવામાં આવે તે પહેલાં અમદાવાદ-મુંબઈ વચ્ચે ખાસ રીસર્ચ પણ કરવામાં આવ્યું હતું, ત્યારે જમવા માટે પણ ખાસ રીસર્ચ થયું હોય તેમ જણાય છે.