અમદાવાદ મેડીકલ ચેકઅપમાં લઈ ગયેલ આરોપી પોલીસ ઝાપ્તામાંથી ફરાર

અમદાવાદ: ચોરીના ગુનામાં ઝડપાયેલા આરોપીઓ પોલીસની કસ્ટડીમાંથી ફરાર થઈ ગયા હોવાની ઘટના સામે આવી હતી. જેના પગલે શાહીબાગ પોલીસે ગુનો નોંધી આરોપીઓની શોધખોળ શરૂ કરી છે.

અમદાવાદની નવી સિવિલ હોસ્પિટલમાં આરોપીઓને મેડિકલ ટેસ્ટ માટે લઈ ગયા હતાં. જ્યાં ડોકટરોએ રાહ જોવાનું કહેતા આરોપીઓને હોસ્પિટલમાં બેસાડવાની જગ્યાએ ગાડીમાં બેસાડવા લઈ જતા બે આરોપીઓ પોલીસની નજર ચૂકવી ફરાર થઈ ગયા હતાં. જેના પગલે શાહીબાગ પોલીસે ગુનો નોંધી આરોપીઓની શોધખોળ શરૂ કરી છે