અમદાવાદઃ RBIએ ગઈકાલે સાંજે યસ બેન્કનું મેનેજમેન્ટ વેરી નાખ્યું હતું. તેનું મેનેજમેન્ટ સ્ટેટ બેંકના હાથમાં સોંપી દીધું. સાથે સાથે એવી પણ જાહેરાત કરી હતી કે, યસ બેન્કનું કોઈ પણ ગ્રાહક આકસ્મિક સંજોગો સિવાય બેન્કમાંથી એક મહિના સુધી 50,000 રૂપિયાથી વધુ ઉપાડી નહિ શકે. બેન્કના શેરના ભાવમાં પણ 85 ટકાનો ઘટાડો નોંધાયો હતો.
એક તરફ મંદી, બીજી તરફ કોરોના વાયરસ અને ત્રીજી તરફ બેન્કોના નબળા પરફોર્મન્સથી શેરબજાર અને અર્થતંત્રને મોટુ નુકસાન પહોંચે છે. તો બેન્ક પર લાગેલા પ્રતિબંધના કારણે તેની સાથે સંકળાયેલ આર્થિક વ્યવહારો ઠપ્પ થવાની સંભાવના છે.
બેન્કમાંથી નાણાં પાછા મેળવવા માટે લાઈનમાં ઊભા છે. જ્યારે બેંકકર્મીઓ તરફથી કૅશ નહીં હોવાનો જવાબ તેમને મળી રહ્યો છે. ત્યારે પોતાના ફસાયેલા નાણાં પાછા મેળવવા માટે RBI આગળનું પગલું શું લે છે. તેની તરફ સૌ નજર માંડીને બેઠા છે.
