પંચમહાલઃ SRP ગ્રુપ 5ની 82 પોલીસ જવાનોની એક ટુકડી ગત 19 તારીખના રોજ 'નમસ્તે ટ્રમ્પ' કાર્યક્રમમાં VVIP બન્દોબસ્ત માટે પહોંચી હતી. 24મીના રોજ કાર્યક્રમ પૂર્ણ થતા મોડી રાત્રે ફરજ બજાવી તમામ જવાનો ત્રણ જેટલા પોલીસ વાનમાં અમદાવાદથી ગોધરા પરત ફરી રહ્યાં હતા. જે દરમિયાન ગોધરાથી માત્ર દસ કિલોમીટરના અંતરે આવેલ ટીમ્બા પાટિયા પાસે પોલીસ વાનનું અચાનક ટાયર ફાટતા ચાલકે કાબુ ગુમાવ્યો હતો. જે બાદ પોલીસ વાન ડિવાઈડર સાથે ભટકાઈ હતી અને વાને પલટી મારી હતી. જો કે, પાછળ અન્ય બે વાનમાં સવાર 50થી વધુ પોલીસ જવાનો દોડી આવ્યા હતા અને બહાદુરી સાથે બચાવ કામગીરી શરૂ કરી હતી.
'નમસ્તે ટ્રંપ' કાર્યક્રમમાં ફરજ બજાવી પરત ગોધરા ફરતા SRP જવાનોની વાનને નડ્યો અકસ્માત વાનમાં ફસાયેલા તમામ પોલિસ જવાનોને બહાર કાઢી સારવાર માટે હોસ્પિટલ ખસેડવામાં આવ્યા હતા. ઘટના સમયે વાનમાં 30 જેટલાં જવાનો સવાર હતા. જેમાંથી 11 પોલીસ જવાનોને ઇજા પહોંચી હતી અન્ય ઇજાગ્રસ્તોને તાત્કાલિક ગોધરા સિવિલ હોસ્પિલ ખાતે ખસેડવામાં આવ્યા હતા. જ્યારે બે પોલીસ જવાનોને ગંભીર ઇજા પહોંચતા વધુ સારવાર માટે વડોદરા ખસેડવામાં આવ્યા છે. પરત ફરી રહલે SRP પોલિસ જવાનની અન્ય ટુકડીએ ઘટના સ્થળે થોભી સમયસર રાહત કાર્ય શરૂ કર્યું હતું જેના કારણે મોટી જાન હાની ટળી હતી. આ તરફ ઘટનાની જાણ જિલ્લા પોલીસ અધિક્ષક સહીત જિલ્લા કલેક્ટરને થતા પોલીસ કાફલા સાથે મદદ માટે હોસ્પિટલ દોડી આવ્યા હતા. આ તરફ જિલ્લા આરોગ્ય ટીમ દ્વારા પણ પોલીસ જવાનોને સારવાર માટે વધારાની મેડિકલ ટીમ હોસ્પિલ ખાતે બોલાવવામાં આવી હતી અને ઇજાગ્રત પોલીસ જવાનોને ઇમર્જન્સી સારવાર આપવામાં આવી હતી.
