ડુપ્લીકેટ રસીદ આપી RTOમાંથી ગાડીઓ છોડાવવાનું કૌભાંડ - RTO
અમદાવાદ: શહેરમાં પોલીસ દ્વારા ડિટેન કરેલા વાહનોને છોડાવવા માટે RTOને બોગસ રસીદ આપતું કૌભાંડ સામે આવ્યું છે. જેથી ગોમતીપુર પોલીસે RTO એજન્ટની ધરપકડ કરી તપાસ શરૂ કરી છે. આરોપી એજન્ટે 5800 રૂપિયાનો દંડ વસૂલી અને ખોટા ડોક્યુમેન્ટ રિક્ષા ચાલકને આપ્યાં હતાં.
ahmedabad
ગોમતીપુર પોલીસને બાતમી મળી હતી કે બાપુનગરના સુંદરમનગરના ગુજરાત હાઉસિંગ બોર્ડમાં રહેતો RTO એજન્ટ ગુલઝાર અહેમત ઉર્ફે સમીર અબ્દૂલ હમિદ અંસારી, ડિટેન મેમા મેળવી અને RTOની ખોટી રસીદ આપે છે. જેથી ગોમતીપુર પોલીસે H ડિવિઝન ટ્રાફિક પોલીસ સ્ટેશનમાં તપાસ કરતા એક ઓટો રિક્ષા ગુલઝારે ખોટી રસીદ દ્વારા છોડાવી હતી. પોલીસે રિક્ષાના માલિક દ્વારા આપેલા ડોક્યુમેન્ટની તપાસ કરી અને રસીદના બારકોર્ડ સ્ટિકરને સ્કેન કરતા તેની કોઇ માહિતી પુરી ન હતી. જેથી RTOની રસીદ નકલી હોવાનું સામે આવ્યું હતું.
RTOને બોગસ રસીદ આપી છેતરપિંડીનું કૌભાંડ સામે આવ્યું