ગુજરાત

gujarat

RJ હર્ષિલઃ ચિંતા આપણા એકલાની નથી, આખા વિશ્વની છે, આશા રાખીએ કે નોર્મલ દિવસો ઝડપથી પાછા આવી જાય

By

Published : Apr 24, 2020, 2:43 PM IST

ગુજરાતમાં કોરાનાએ હાહાકાર મચાવ્યો છે, પોઝિટિવ દર્દીઓની સંખ્યા 2000ને પાર કરી ગઈ છે અને 100 વધુ લોકોના મોત થયા છે. લૉકડાઉનમાં રહ્યા પછી પણ કોરોનાના નવા દર્દીઓ આવી રહ્યા છે. પણ કોરોનાના વધતા કેસ અને લૉક ડાઉનમાં રહીને લોકો ડરી ગયા છે, કે હવે શું થશે? મનમાં નેગેટિવિટી પ્રવેશી ગઈ છે. આ સંજોગોમાં રેડિયો સિટી 91.1 એફએમના આરજે હર્ષિલ આપણને સંદેશ આપવા માંગે છે, તો આવો આપણે વિડિયો જોઈએ

a
RJ હર્ષિલઃ ચિંતા આપણા એકલાની નથી, આખા વિશ્વની છે, આશા રાખીએ કે નોર્મલ દિવસો ઝડપથી પાછા આવી જાય

અમદાવાદઃ રેડિયા સિટી 91.1 એફએમના આરજે હર્ષિલે ETV Bharat સાથેની વાતચીતમાં જણાવ્યું હતું કે, 'આપણે બધા હાલ લૉકડાઉનમાં છીએ. બધાને વિવિધ ચિંતાનો સતાવી રહી છે. કેટલાક લોકો વર્કિંગ ફ્રોમ હોમ છે. તો કેટલાક લોકો નોટ વર્કિંગ ફ્રોમ હોમ છે. આ બધાની વચ્ચે એક આશા છે, કે આપણે પાછા ફરીથી મળીશું. લાઈફ નોર્મલ થશે. પણ તે કયારે આપણે ઘરમાં રહીશું તો. તમને બધાને પછી યાદ આવશે કે કોરોના મહામારીમાં આપણે એક મહિનાથી વધુ સમય ઘરમાં ગાળ્યો હતો. લુડો રમીને, હાઉસી રમીને, પરિવાર સાથે વાતો કરીને. આપણે હમણા ઘરમાં રહીએ, સુરક્ષિત રહીએ. ઘણા બધા લોકોના પ્લાન રદ થયા છે. ટુર જવાનો પ્લાન પણ કેન્સલ થયો હતો, તમારો નહી મારે પણ પ્લાન રદ કરવો પડ્યો.'

RJ હર્ષિલઃ ચિંતા આપણા એકલાની નથી, આખા વિશ્વની છે, આશા રાખીએ કે નોર્મલ દિવસો ઝડપથી પાછા આવી જાય
તેણે ઉમેર્યુ હતું કે, 'આપણે બધા પાછા પડી ગયા છીએ, ઈકોનોમી હોય, શિક્ષણમાં હોય, બિઝનેસમાં હોય કે વ્યક્તિગત રીતે આપણે પાછળ પડી ગયા છીએ, આપણે એકલા નથી, આખુય વિશ્વ પાછળ પડી ગયું છે, માટે ચિંતા કરવાની જરૂર નથી. આ ચિંતા આપણા એકલાની તો નથી જ. આપણે આશા રાખીએ કે ઝડપથી નોર્મલ દિવસો પાછા આવી જાય. સામાન્ય રીતે દરેક લોકોની ફરિયાદ હોય છે કે ટાઈમ નથી ટાઈમ નથી, લ્યો ભગવાને તમને ટાઈમ આપ્યો. તમારી જાતને ટાઈમ આપી શકો છો. ફેમિલીને પણ ટાઈમ આપો. તમને ગમતુ કામ કરી શકો છો.' RJ હર્ષિલે તે શું કરી રહ્યા છે એ વિશે વાત કરતાં કહ્યુ હતું કે, 'લૉકડાઉનના દિવસોમાં મે શિડ્યુલ બનાવ્યું છે. સવારે 8-9 વાગ્યે ઉઠું છું, દૂધ લેવા જવાનું કામ કરું છું. મમ્મી પપ્પા 60 વર્ષની ઉપરની ઉમરના છે, જેથી બહાર ખરીદી કરવાનું કામ હું જ કરી લઉ છું. બાકી બધા ઘરના કામમાં મદદ કરી રહ્યો છું. કામ વહેંચી લઈએ છીએ. રેડિયો પર ચાર કલાક શો કરું છું. ઈન્સ્ટાગ્રામ પર ફેસબૂક પર લાઈવ કરું છું. સ્મીત પંડ્યા સાથે ટોક કરું છું. હાઉસી રમુ છું. ગેમ્સ પણ રમુ છું. ડિસ્ક્શન કરું છું. સ્ટોરી પણ લખું છું. પુસ્તક પણ લખું છુ. શું નથી કરવાનું તે પણ લખું છું.'આ ઉપરાંત તેમણે કહ્યુ હતું કે,'ઘરમાં રહીને મમ્મી કુકિંગ કેવી રીતે કરે તે શીખી લેજો. બહાર નીકળો તો જરૂરી પ્રિકોશન લેજો. માસ્ક પહેરજો, અને તે પણ ખૂબ જ જરૂરી હોય તો જ બહાર નીકળજો. બાકી ઘરમાં રહો અને સુરક્ષિત રહો.'

ABOUT THE AUTHOR

...view details