કોરોના લોકડાઉન બાદ શાકભજીના ભાવમાં 30 થી 35 ટકાનો વધારો - Vegetable prices rose
કોરોના લોકડાઉન બાદ મોંઘવારીએ માજા મૂકી છે. જેમાં શાકભાજીના ભાવ વધતા ગૃહિણીઓનું બજેટ ખોરવાયું છે, ત્યારે ઉનાળાની શરૂઆત થતા જ ભાવમાં વધારો જોવા મળી રહ્યો છે, ત્યારે વેપારીઓમાં પણ નારાજગી જોવા મળી છે. હોલસેલના ભાવમાં પણ અનેકગણો વધારો થતો જોવા મળ્યો છે, ત્યારે શાકભજીના ભાવમાં 30 થી 35 ટકાનો વધારો જોવા મળ્યો છે.
કોરોના લોકડાઉન બાદ શાકભજીના ભાવમાં 30 થી 35 ટકાનો વધારો
By
Published : Mar 21, 2021, 9:44 PM IST
લોકડાઉન બાદ શાકભાજીમાં મોંઘવારી
શાકભાજીના ભાવમાં સતત વધારો
30 થી 35 ટકાનો વધારો જોવા મળ્યો
અમદાવાદઃ રાજ્યમાં લોકડાઉન બાદ મોંઘવારીએ લોકોની મુશ્કેલી વધારી છે. જેમાં ગૃહિણીઓનું બજેટ ખોરવાયું છે. જેમાં ઉનાળાની શરૂઆતમાં ટિનદોડા, લીંબુ, ભીંડા જેવા શાકભજીના ભાવ વધ્યા છે. ત્યારે સૌથી વધારે લીંબુમાં ભાવ વધારો જોવા મળી રહ્યો છે . ત્યારે બીજી તરફ કોરોનાનું સંક્રમણ વધી રહ્યો છે તેને લઈને તંત્ર દ્વારા કરફ્યૂ આપવામાં આવ્યો છે ત્યારે વેપારીઓની હાલત કફોડી બની છે. ત્યારે હાલમાં ઉપરથી જ લીંબુની આવક ન થતા તેના ભાવ આસમાને પહોંચ્યા છે.
મોંઘવારીમાં વેપારીઓની હાલત પણ ખરાબ છે. જેમાં વેપારીઓને ઊંચા ભાવે ખરીદી કરવામાં આવે છે, ત્યારે વેપારીઓના નફાના રેસિયોમાં ઘટાડો જોવા મળ્યો છે, ત્યારે મોંઘવારીમાં દરેક વર્ગને આર્થિક મુશ્કેલીઓ પડી રહી છે.
