અરબી સમુદ્રમાં બે લૉ પ્રેશર સક્રિય થયા હતા. ઉપરાંત ઉત્તર ભારતમાં હિમવર્ષાને કારણે ઠંડી પણ વધે તેવી શક્યતા છે.
મધ્ય ગુજરાતના આણંદ, ભરૂચ, વડોદરા, નર્મદા તેમજ દક્ષિણ ગુજરાતના વલસાડ, નવસારી સિવાય સૌરાષ્ટ્રના ભાવનગર, અમરેલી અને ગીરસોમનાથ જેવાં જિલ્લાઓમાં છૂટો છવાયો વરસાદ વરસી શકે છે.
આ દરમિયાન દરિયામાં ઉંચા મોજા ઉછળવાની સંભાવના હોવાથી માછીમારોને દરિયાછથી દૂર રહેવાની સલાહ આપવામાં આવી છે.
કમોસમી વરસાદથી ખેડૂતોની ચિંતામાં વધારો થયો છે. વરસાદ બાદ રાજ્યમાં ઠંડીનો ચમકારો પણ અનુભવાય તેવી શક્યતા છે.
હવામાન ખાતાનું કહેવું છે કે, ઉત્તર ભારત તરફથી આવતા ઠંડા પવનો અને હિમવર્ષાનાં કારણે આવતા અઠવાડિયાથી ગુજરાતમાં ઠંડીમાં વધારો થાય તેવી શક્યતા છે.
