'કેમ છો ટ્રમ્પ' કહેવા માટે પોલીસ વેરિફિકેશન કરાવવું જ પડશે !

અમદાવાદઃ અમેરિકી પ્રમુખ ડોનાલ્ડ ટ્રમ્પ બે દિવસીય ભારતની મુલાકાત આવવાન છે, ત્યારે અમદાવાદના મોટેરા સ્ટેડિયમનું દેશના વડાપ્રધાન નરેન્દ્ર મોદી તથા ડોનાલ્ડ ટ્રમ્પ દ્વારા ઉદ્ઘાટન કરવામાં આવશે. આ કાર્યક્રમમાં ભાગ લેનાર 1 લાખથી વધુ લોકોના પોલીસ દ્વારા વેરીફિકેશન થશે અને આઇકાર્ડ બનાવી આપવામાં આવશે.

ટ્રમ્પની અમદાવાદની મુલાકાતને લઇને પોલીસ દ્વારા પુરેપુરી તૈયારીઓ કરી દેવામાં આવી છે. સુરક્ષામાં તથા સલામતીમાં કોઈ કચાસ ન રહી જાય તેનું પોલીસ દ્વારા ધ્યાન રાખવામાં આવ્યું છે. ત્યારે મોટેરા સ્ટેડિયમના કાર્યક્રમમાં ભાગ લેવા આવનારા 1.20 લાખથી વધુ લોકોના પોલીસ દ્વારા વેરિફિકેશન કરવામાં આવશે.

પોલીસ દ્વારા કાર્યક્રમમાં ભાગ લેનારા લોકોના આધાર કાર્ડ તથા જરૂરી ડોક્યુમેન્ટ ચકાસણી કરવામાં આવશે અને તે બાદ તમામ લોકોના આઈ કાર્ડ બનાવવામાં આવશે. આઈ કાર્ડ વિના કોઈપણ વ્યક્તિને મોટેરા સ્ટેડિયમમાં પ્રવેશ આપવામાં આવશે નહીં એટલું જ નહીં જો કોઈ શંકાસ્પદ વ્યક્તિ જણાય આવશે તો તેની પણ પોલીસ દ્વારા ચકાસણી કરવામાં આવશે.