તેઓએ આગળ જણાવ્યું કે, આ નિર્ણય ‘એક રાષ્ટ્ર એક બંધારણ’ની વિભાવનાને નૈતિક પીઠબળ પુરું પાડતો આઝાદી પછીનો ઐતિહાસિક નિર્ણય છે. દેશ અને દુનિયામાં વસતાં કરોડો ભારતીયોના મન-હદયમાં કાશ્મીર ભારતનું અભિન્ન અંગ બની રહે તે પ્રકારની વર્ષોથી પડી રહેલી ઇચ્છા હવે પૂર્ણ થઇ છે. આઝાદીના 70 વર્ષ બાદ કાશ્મીરના એકીકરણનો અભૂતપૂર્વ નિર્ણય એ કાશ્મીરી પંડિતોની અનંત લડાઇનો આદર અને આતંકીઓ સામે લડતાં શહીદોનું સન્માન છે. રાષ્ટ્રપુરૂષ સરદાર વલ્લભભાઇ પટેલનું કાશ્મીરના મુદ્દે ભારતના એકીકરણનું અધુરું રહેલું સ્વપ્ન નરેન્દ્રભાઇ મોદી અને અમિતભાઇ શાહ દ્વારા સાકાર થયું છે.
કશ્મીરના ગઠન વખતે થયેલી ભુલોને PM નરેન્દ્ર મોદી અને ગૃહ પ્રધાન અમિત શાહે સુધારીઃ મનસુખ માંડવિયા, ETV BHARAT કોંગ્રેસ સમયે કાશ્મીરમાં કલમ 370એ અસ્થાયી પ્રાવધાન હતું. જે હાલત સામાન્ય થાય ત્યાં સુધી જ લાગુ રહે તે માટે બનાવવામાં આવી હતી. સંવિધાનના નિર્માતાઓએ પણ ક્યારેય નહોતું વિચાર્યુ કે કલમ 370 નામ પર 35A જેવું પ્રાવધાન પણ જોડી દેવામાં આવશે. આર્ટીકલ 35A ‘‘એક વિધાન, એક સંવિધાન, એક રાષ્ટ્ર ગાન, એક નિશાન’’ની ભાવના પર ચોટ કરતી હતી. જમ્મુ અને કાશ્મીરમાં બીજા રાજ્યના નાગરિકોને સમાન અધિકાર ન હોવો એ સંવિધાનની મૂળ ભાવનાથી વિરૂધ્ધનું છે. ડો. ભીમરાવ આંબેડકર ભારતીય સંવિધાનના આર્ટિકલ 370ની તરફેણમાં ન હતા. આ અનુચ્છેદને સંવિધાનમાં જોડવાનો પ્રસ્તાવ શેખ અબ્દુલ્લાએ મૂક્યો હતો. જે મામૂલી ચર્ચા બાદ સંવિધાનમાં જોડી દેવામાં આવ્યો અને તેના માટે સંસદમાં કોઈ ગંભીર ચર્ચા પણ કરવામાં આવી ન હતી.
માંડવીયાએ વધુમાં જણાવ્યુ હતુ કે, રાજ્યસભામાં કેન્દ્રીય ગૃહ પ્રધાન અમીતભાઇ શાહે પુનર્ગઠન વિધેયક રજૂ કર્યું, તે મુજબ લદાખને જમ્મુ-કાશ્મીરથી અલગ કરવામાં આવ્યું અને કેન્દ્રશાસિત પ્રદેશનો દરજ્જો આપવામાં આવ્યો. જમ્મુ-કાશ્મીર પણ હવે પૂર્ણ રાજ્ય નહીં રહે તે પણ એક કેન્દ્ર શાસિત પ્રદેશ બનશે જ્યાં વિધાનસભા આવશે અને ગવર્નર તેના વડા હશે. કલમ 370 જમ્મુ-કાશ્મીરમાંથી હટાવવાનો નિર્ણય બાદ જમ્મુ-કાશ્મીરને અલગ ધ્વજને બદલે તિરંગો જ તેનો રાષ્ટ્રધ્વજ બનશે અને બેવડી નાગરિકતા રદ થશે, સીધા કેન્દ્રના કાયદાઓ લાગુ થશે. તેમજ રાજ્ય માટે કોઈ અલગથી કાયદા નહીં હોય, ભારતના અન્ય રાજ્યના નાગરિકો પણ જમીન અને પ્રોપર્ટી ખરીદી શકશે.
કેન્દ્રની ભાજપ સરકારે બંધારણના અનુચ્છેદ 35A અને કલમ 370 નાબૂદ કરી વિભાજનવાદી અલગતાવાદીઓનું એક હથ્થુ વર્ચસ્વ નાબુદ કર્યું. જેના કારણે જમ્મુ-કાશ્મીરના નાગરિકોને પણ દેશના અન્ય રાજ્યોની જેમ જ વિકાસશીલ પ્રવાહમાં સામેલ થવાનો લાભ મળશે. જમ્મુ-કાશ્મીર દેશની મુખ્ય ધારા સાથે જોડાય અને વિકાસપથ પર અગ્રેસર થાય તે સંદર્ભમાં આ નિર્ણય ખૂબ જ મહત્વનો છે. દેશના અન્ય રાજ્યોની જેમ જ વેપાર-વાણિજ્ય અને પ્રવાસન ક્ષેત્રે જમ્મુ-કાશ્મીર વિકાસપથ પર આગળ વધશે. વરસાદના કારણે રાજ્યભરમાં અનેક જગ્યાએ જૂની બિલ્ડીંગ ધરાશાયી થવાની ઘટના બની રહી છે. ત્યારે કેન્દ્રીય પ્રધાન મનસુખ માંડવીયાએ બોપલમાં ટાકી તૂટવાની ઘટનામા ૩ લોકોના જીવ ગયા તેમને શ્રદ્ધાજંલી પાઠવી હતી.
