શ્રેય અગ્નિકાંડ: PMએ ટ્વીટ કરીને શ્રદ્ધાજલી સાથે 2 લાખની સહાય કરી, CMના તપાસના આદેશ

અમદાવાદ શહેરમાં એક ખૂબ જ ગોઝારી ઘટના બની છે. શહેરના નવરંગપુરા વિસ્તારમાં ખાતે આવેલી શ્રેય હોસ્પિટલ જેને અમદાવાદ મ્યુનિસિપલ કોર્પોરેશન દ્વારા કોવિડ હોસ્પિટલ તરીકે જાહેર કરવામાં આવી છે. તેમાં 3.15 વાગે રાત્રે આગ લાગતા 8 કોરોના દર્દીના મૃત્યુ નિપજ્યા છે. મહત્વનું છે કે, શ્રેય હોસ્પિટલ આગ દુર્ઘટના મુદ્દે PM મોદીએ ટ્વીટ કરીને શ્રદ્ધાજલી પાઠવી છે.

અમદાવાદ: શહેરના નવરંગપુરા વિસ્તારમાં આવેલી શ્રેય હોસ્પિટલના આઈસીયુ વોર્ડમાં આગ લાગતા 8 દર્દીના મોત નીપજ્યાં છે. આ હોસ્પિટલને કોવિડ હોસ્પિટલ તરીકે જાહેર કરવામાં આવી હતી. અમદાવાદ મ્યુનિસિપલ કોર્પોરેશન દ્વારા કોરોના માટેની હોસ્પિટલ જાહેર કરાયા બાદ પણ આ હોસ્પિટલમાં ફાયરસેફ્ટી હતી કે, કેમ તે અંગે સવાલ ઉઠી રહ્યાં છે. હોસ્પિટલમાં 49 જેટલા કોરોનાના દર્દીઓ સારવાર લઇ રહ્યાં હતાં. આ આગ રાત્રે 3:00 વાગે લાગી હતી અને 4.20 એ બુઝાવામાં આવી હતી. આ આગમાં 5 પુરુષ, ત્રણ મહિલાના મોત થયાં છે અને એક મેડિકલ પેરામેડીકલ સ્ટાફ ઇજાગ્રસ્ત થયા છે.

PM મોદીએ ટ્વીટ કરીને શ્રદ્ધાજલી પાઠવી

શ્રેય હોસ્પિટલ અગ્નિકાંડમાં મોતને ભેટનારા કોરોના દર્દીઓના પરિવારોને સાંત્વના આપતા વડાપ્રધાન નરેન્દ્ર મોદીએ ટ્વીટ કર્યું છે. PM મોદીએ લખ્યું કે, આ અગ્નિકાંડમાં દાઝેલા તથા ઘાયલ થયેલા ઝડપથી સાજા થઈ જાય. આ અંગે મેં મુખ્યપ્રધાન વિજય રૂપાણી અને અમદાવાદના મેયર બિજલ પટેલ સાથે વાતચીત કરી છે. વહીવટીતંત્ર તરફથી તમામ રાહતની વ્યવસ્થા કરવામાં આવી રહી છે.

શ્રેય હોસ્પિટલમાં લાગેલી આગને કારણે મોતને ભેટનારા લોકોના પરિવારમાં PM ફંડમાંથી 2 લાખ રૂપિયા આપવામાં આવશે, જ્યારે હોસ્પિટલમાં આગને કારણે ઘાયલ થયેલા લોકોને દરેક 50,000 આપવામાં આવશે.

CM રૂપાણીએ આપ્યા તપાસના આદેશ

શ્રેય હોસ્પિટલ અગ્નિકાંડમાં મુખ્યપ્રધાન વિજયભાઈ રૂપાણીએ તાત્કાલિક તપાસના આદેશો આપ્યા છે. આ બનાવની તપાસ માટે રાજ્યના બે વરિષ્ઠ IAS અધિકારીની કમિટિ રચી છે. જેમાં ગૃહ વિભાગના અધિક મુખ્ય સચિવ સંગીતા સિંઘ અને શહેરી વિકાસ વિભાગના અધિક મુખ્ય સચિવ મુકેશ પૂરીનો સામેલ છે. મુખ્યપ્રધાને આ સમગ્ર ઘટના કઈ રીતે બની તે અંગેની તલસ્પર્શી તપાસ 3 દિવસમાં તપાસ કરીને જવાબદાર લોકોની જવાબદારી નક્કી કરવા સહિતનો અહેવાલ રાજ્ય સરકારને આપવા સૂચના આપી છે.

શંકરસિંહ વાઘેલાએ ટ્વીટ મૃતકો પરિવારોને હિંમત આપી

શ્રેય હોસ્પિટલ અગ્નિકાંડમાં ગુજરાતના પૂર્વ મુખ્યપ્રધાન શંકરસિંહ વાઘેલાએ ટ્વીટ કરી લખ્યું કે, અમદાવાદ કોવિડ હોસ્પિટલમાં લાગેલી આગની ઘટના હ્યદયદ્વાવક છે. ભગવાન મૃતકોના પરિવારને આ દુઃખની ઘડીમાં હિંમત આપે તેવી પ્રાર્થના. ૐ શાંતિ...

આ અંગે કેન્દ્રીય ગૃહ પ્રધાન અમિત શાહે પણ ટ્વીટ કરી મૃતક પરિવારોને સાત્વના આપી હતી.