પેપ્સીકોએ કેસ પાછો ખેચ્યાંની સત્તાવાર જાહેરાત કરતો ઓર્ડર મળ્યો નથીઃ ખેડૂત સંઘ

અમદાવાદઃ પેપ્સીકો કંપની દ્વારા ગુજરાતના 4 ખેડૂતોને એફ.સી-5 વેરાયટીના બટાકાનું ઉત્પાદન અને વેંચાણ કરવા બદલ અમદાવાદની કર્મશિયલ કોર્ટમાં દાવો કરતી અરજી દાખલ કરવામાં આવી હતી. જેમાં ખેડૂતો પાસેથી 1.05 કરોડ રૂપિયાના દાવાને જાહેરહિત અને સરકાર સાથે વાતચીત બાદ 2મે ના રોજ પાછો ખેંચી લેવાની જાહેરાત કરવામાં આવી છે. જો કે, શુક્રવારે ખેડૂતોના આગેવાનોએ જણાવ્યું કે, પેપ્સીકો દ્વારા કેસ પાછો ખેંચી લેવામાં આવ્યો છે, તે અંગે કોઈ સતાવાર પત્ર કે ઓર્ડરની કોપી હજી સુધી અમને મળી નથી. ખેડૂતોને જે હેરાનગતિ સહન કરવી પડી તે બદલ વળતર પણ ચુકવવામાં તેવી માગ પણ કરી હતી.

ખેડૂત આગેવાનોએ વધુમાં ઉમેર્યું કે, પેપ્સીકોએ સરકાર સાથેના વાટાઘાટા બાદ જાહેરાત કરી છે. રાજ્ય સરકાર જાહેરાત કરે કે, તેમના વચ્ચે શું વાતચીત થઈ છે અને ખેડૂતો પર PPV & FR Act 2001ની કલમ 39(1) (4) મુજબ જે દાવા અને કેસ કરવામાં આવ્યા છે તે, વિના શરતે પરત ખેંચવામાં આવ્યા છે. વધુમાં અમને કેસ પાછો ખેંચાયો હોય તેવો કોઈ સતાવાર ઓર્ડર હજી સુધી મળ્યો નથી. જેથી આજે ભારતીય કિસાન સંઘની આગેવાની હેઠળ 30 થી 40 સભ્યોની બેઠક યોજવામાં આવશે જેમાં આગળની રણનીતિ ઘડાશે.

પેપ્સીકોના દાવાને અંગ્રેજો દ્વારા ઉભી કરાયેલી ઈસ્ટ ઈન્ડિયા કંપની છેતરપીંડી સાથે સરખાવવામાં આવી હતી. ખેડૂતો મત પ્રમાણે કંપનીને તેમની વિરૂધ એવો દાવો કરવાની કોઈ સત્તા જ નથી. ગત વર્ષે આવી જ રીતે અરવલ્લીના 5 ખેડૂતો વિરૂધ પેપ્સીકોએ 20 લાખ રૂપિયાનો દાવો માંડ્યો હતો. જો કે, આ વર્ષે 1.05 કરોડનો દાવો કરવામાં આવતા મીડિયા અને અંતરરાષ્ટ્રીય સ્તરે સરકાર અને પેપ્સીકો પર દબાણ વધતા કેસ પાછો ખેંચી લેવાની જાહેરાત કરવામાં આવી છે, પરતું તેની શરતો શું અથવા આગળ શું રહેશે તે અંગે હજુ કોઈ જાણકારી આપવામાં આવી નથી. PPV & FR Act 2001 Act હેઠળ કરાર કરીને ખેડૂતોને લુંટવાનો પ્રયાસ કરવામાં આવ્યો છે. 1.05 કરોડ રૂપિયાનો દાવો એટલે ખેડૂત સંપિત અને બધુ વેંચી નાખે તેમ છતાં ભરપાઈ શક્ય નથી.

જણાવી દઈએ કે, પેપ્સીકો કંપનીએ સાબરકાંઠા જિલ્લાના 4 ખેડૂતો પર પ્લાન્ટ વેરાયટી એન્ડ ફાર્મસ એક્ટ 2001 મુજબ રજીસ્ટર્ડ થયેલા એફ.એલ 2027 એટલે કે એફ.સી-5 પ્રકારના બટાકાનું આઈપીઆક ( ઈટેલેક્ચયુલ પ્રોપટી રાઈટ) ઉલ્લઘંન કરવા બદલ ખેડૂતો વિરૂધ કેસ દાખલ કર્યા હતા. આ બટાકાનો ઉપયોગ લેસ બટાકા વેફર બનાવવા માટે થાય છે.

આ મામલે 26મી એપ્રિલના રોજ કર્મશિયલ કોર્ટમાં જ્યારે સુનાવણી હાથ ધરવામાં આવી હતી, ત્યારે પેપ્સીકોના વકીલ કોર્ટની બહાર સેટલમેન્ટ કરવાની ઓફર કરી હતી જેમાં બે શરતો આપવામાં આવી હતી. એક તો ખેડૂતો સામેના કેસ પાછા ખેંચી શકાય છે, જો ખેડૂતો એફ.સી-5 બટાકાનું ખરીદ કે વેચાણ અંગેનો કરાર પેપ્સીકો કંપની સાથે કરે અને બીજું અથવા ખેડૂતો બાંહેધરી આપે કે, તેઓ એફ.સી-5 પ્રકારના જે બટાકા છે તેનું ક્યારેય બિયારણ કે ખરીદ કરશે નહિ. તો પેપ્સીકો કંપની તેમની વિરૂધ કેસ પાછો ખેંચી સેશે.