અમદાવાદ:શરૂઆતના કોરોના કાળમાં કામના ભરાવાને ધ્યાનમાં રાખીને સરકારી કચેરીઓમાં જરૂરી અને પેન્ડિંગ પડેલ કામ પતાવવા માટે જરૂરિયાત મુજબનો સ્ટાફ રાખવામાં આવતો હતો.ત્યારે અમદાવાદ સ્થિત રિજનલ ટ્રાન્સપોર્ટ ઓફિસ એટલે કે આરટીઓ ખાતે પણ શરૂઆતમાં 30 ટકા સ્ટાફ રાખવામાં આવ્યો હતો. ત્યારબાદ તેને વધારીને 50 ટકા કરવામાં આવ્યો અને અત્યારે 100 ટકા સ્ટાફ સાથેની કામગીરી શરૂ થઈ ચૂકી છે.લોકડાઉન બાદ અનલોકની પ્રક્રિયા શરૂ થતા 4 જુલાઈએ અમદાવાદની સુભાષબ્રિજ સ્થિત આરટીઓ કચેરી શરૂ કરવામાં આવી હતી.જેમાં કોઈપણ કાર્ય માટે ફક્ત ઓનલાઇન એપોઇન્ટમેન્ટ જ મળે છે.
આર.ટી.ઓમાં લાયસન્સ કઢાવવા માટે એક મહિનાનું વેઇટિંગ વાહન સંબંધી કામકાજ માટે દરરોજ 300 એપોઇન્ટમેન્ટ, ડ્રાઇવિંગ લાઇસન્સ માટે 175 એપોઇન્ટમેન્ટ, ફોરવ્હીલના ડ્રાઇવિંગ ટેસ્ટ માટે 100 આપોઇન્ટમેન્ટ, જ્યારે ટુ-વ્હીલર ટેસ્ટ માટે દરરોજ 200 એપોઇન્ટમેન્ટ ફાળવવામાં આવે છે. નિયમોના ભંગ બદલ આરટીઓમાં જેને દંડ ભરવાનો રહે છે. તેની શરૂઆતમાં 50 વ્યક્તિઓ રોજ રૂબરૂ દંડ ભરી શકતા હતા.તેને હવે રેગ્યુલર કરીને, જે પણ વ્યક્તિ દંડ ભરવા આવે તે વસુલ કરાય છે. આર.ટી.ઓમાં લાયસન્સ કઢાવવા માટે એક મહિનાનું વેઇટિંગ કોરોના વાઈરસને ધ્યાનમાં લઈને અનેક પ્રકારની તકેદારીઓ પણ રાખવામાં આવે છે. જેમકે આરટીઓમાં આવતા દરેક અરજદારનું થર્મલગન દ્વારા ટેમ્પરેચર સ્ક્રીનિંગ કરવામાં આવે છે,સેનેટાઈઝર વડે તેમના હાથે જંતુ મુક્ત કરવામાં આવે છે. સોશિયલ ડિસ્ટન્સની જાળવણી માટે દરેક મીટરના અંતરે કુંડાળા દોરવામાં આવ્યા છે. દરેક કર્મચારી અને અરજદાર માસ્ક પહેરેલ હોય તેનું પણ ધ્યાન રાખવામાં આવે છે. કર્મચારીઓ પણ ફેસ માસ્ક અને શીલ્ડ રાખે છે. આર.ટી.ઓમાં લાયસન્સ કઢાવવા માટે એક મહિનાનું વેઇટિંગ આ ઉપરાંત લોકડાઉન બાદ આરટીઓ ઉપર લર્નિંગ લાઇસન્સનું ભારણ ઘટે તે માટે શહેરની આઈટીઆઈ અને પોલિટેકનિકમાં લર્નિંગ લાઇસન્સ કાઢવાની પ્રક્રિયા શરૂ કરવામાં આવી છે. અત્યારે એક મહિના જેટલું બેકલોગ જોવા મળી રહ્યું છે. તેમ છતાંય શનિ-રવિના દિવસે પણ ડ્રાઇવિંગ ટેસ્ટ અને પરીક્ષા લેવામાં આવે છે.દરરોજનો આરટીઓનો સમય સવારે 9 થી સાંજના 6 વાગ્યા સુધી નક્કી કરવામાં આવેલ છે. આર.ટી.ઓમાં લાયસન્સ કઢાવવા માટે એક મહિનાનું વેઇટિંગ જ્યારે કોરોનાના આ સંક્રમણ સમયે પબ્લિક ટ્રાન્સપોર્ટ નહિવત છે અને ખાનગી ટ્રાન્સપોર્ટ વધુ છે.પરંતુ રોડ ઉપર કોરોના વાઈરસના ભયને કારણે વધુ ટ્રાફિક જોવા મળતો નથી. તેમ છતાંય સરકારની ગાઈડલાઈન્સ મુજબ મુસાફરોની વહન ક્ષમતાની મર્યાદા 50 ટકા જેટલી નક્કી કરાઈ છે.આ ઉપરાંત ખાનગી ઓપરેટરોએ વાહનને સેનિટાઈઝ કરવું અને દરેક યાત્રી માસ્ક પહેરેલ હોય, તેનું ધ્યાન રાખવાનો નિયમ છે. ઉલ્લેખનીય છે કે, આરટીઓમાં પહેલા થતાં જ એજન્ટના દર્શન જરૂર થાય છે. આમ તો સરકાર અને આરટીઓ અધિકારીનું કહેવું છે કે, તેમણે એજન્ટ પ્રથા નાબૂદ કરી છે.પરંતુ આરટીઓ કચેરીની બહાર જ એજન્ટો જોવા મળે છે. જો કે આરટીઓ અધિકારીએ તમામ પ્રકારની વ્યવસ્થા ઓનલાઇન અને અરજી દાતાઓના મદદરૂપ થવા સિંગલ વિન્ડો સિસ્ટમ, હેલ્પલાઇન અને ઇન્કવાયરી વિન્ડો શરૂ કરી છે. તેથી આરટીઓ અધિકારીએ એજન્ટનો સંપર્ક ન કરવા જણાવ્યું હતું. અત્યારે તમામ પ્રકારની અરજી ઓનલાઇન અને મર્યાદિત પ્રમાણમાં સ્વીકારતી હોવાથી ક્રમ પ્રમાણે અરજદારની સેવા પૂરી પાડવામાં આવે છે.
