‘ચા’ પણ મળશે ઓનલાઇન, ભારતમાં સૌપ્રથમ અમદાવાદમાં શરૂ થશે આ સર્વિસ

અમદાવાદ: સમગ્ર વિશ્વમાં આજે પાણી બાદ બીજા નંબરે પીવાતા પીણાની વાત આવે તો, અસહજ રીતે 'ચા'નું જ નામ આવે. લોકોનો થોડો ઘણો થાક તો 'ચા'નું નામ સાંભળીને જ દૂર થઇ જતો હોય છે. તો હવે ચા રસીયાઓનું કામ થયું એકદમ સરળ. હા...તમારી જાણ ખાતર.....હવે ચા મળશે ઓનલાઇન...

મોબાઈલની એક ક્લિક પર સાત સમંદર પાર રહેતા તમારા સ્વજન સુધી કોઇ પણ વાત પહોંચાડી શકાય છે. આજના ઓનલાઇનના જમાનામાં તમે કોઈપણ જગ્યાએ બેસીને તમારી મનપસંદ વસ્તુને તમારી સુધી લાવી શકો છો. સમયાંતરે કોર્પોરેટ જગતમાં હરીફાઈનો સમય છે અને દરેક લોકો પોતાના પરિવારની સુખ અને સમૃદ્ધિ માટે દિવસ-રાત પોતાની કામની જગ્યાઓ જેવી કે, ઓફિસ, ફેક્ટરી કે કોઈપણ કાર્યસ્થળ પર તેઓ કામમાંથી થોડો સમય આરામ કરવા માટે ‘ચા’ પીવાનો આગ્રહ રાખતા હોય છે.

ચાના બહાને થોડો સમય મિત્રો સાથે વાતો કરવામાં તેઓ હળવાશનો અનુભવ કરે છે. તો હવે ભારતમાં પણ સૌ પ્રથમવાર ગુજરાતના અમદાવાદ ખાતે એક કંપની શરૂ કરવા જઈ રહી છે જે ઓનલાઇન ચાની સર્વિસ... કે જેના વપરાશથી તમે તમારી ઓફિસમાં બેસીને ચા નાસ્તો ઓર્ડર કરી શકો છો. મૂળ અમદાવાદના રહેવાસી અને સર્વિસ શરૂ કરનારા ઉપયોગ કર્મી જે આ સ્ટાર્ટઅપ શરૂ કરી રહ્યા છે, તેવા કરણ શાહનું કહેવું છે કે, આ પ્રકારની સર્વિસ ભારતમાં સૌપ્રથમ અમદાવાદ ખાતે શરૂ થઇ રહી છે.