આ વર્કશોપના આયોજન અંગે ડૉ.સ્વાગત શાહ જણાવે છે કે, અંદાજે દર આઠમાંથી એક વ્યક્તિ ખભાના દુખાવાની સમસ્યાથી પીડાતા હોય છે. જે હકીકતમાં ખભામાં રોટેટર કફ ટીયરથી પીડાતા હોય છે. જેમાંથી મોટાભાગના કિસ્સામાં આ બાબતનું નિદાન થતું નથી.
ડોકટર તેને ફ્રોઝન શોલ્ડર તરીકે વ્યાખ્યાયિત કરતા હોય છે અને આ પ્રકારની જટિલ ઇજાઓ માટે ઓર્થોપેડિક સર્જનને સાચા નિદાન અને સારવારના પ્રોટોકોલ અંગે શિક્ષિત કરવા માંગીએ છીએ. શોલ્ડર આર્થોસ્કોપીએ જટિલ પ્રક્રિયા છે. જે માટે યોગ્ય કુશળતા અને પ્રેક્ટિસની આવશ્યકતા રહે છે. છેલ્લા 10 વર્ષમાં આ ટેકનિકનો નોંધપાત્ર પરિવર્તન આવ્યું છે. અમદાવાદમાં હજી પણ ઘણા ડોક્ટર્સ શોલ્ડર રોટેટર કફ ઇન્જરીને રીપેર કરવામાં અને સારવાર સંબંધિત અદ્યતન ટેકનિકથી અજાણ છે.
