અમદાવાદમાં ટ્યૂશન ટીચરના પતિએ 15 વર્ષની સગીરાને પર દુષ્કર્મ ગુજારતા ધરપકડ

અમદાવાદમાં એક શરમજનક કિસ્સો સામે આવ્યો છે. તેમાં, એક વિદ્યાર્થીની પર ટ્યૂશન ટીચરના પતિએ એકલતામાં લઈને દુષ્કર્મ ગુજારતા પોલીસે આરોપીની ધરપકડ કરી છે. એક વર્ષ બાદ આ ઘટના સામે આવતા પોલીસે આગળની કાર્યવાહી હાથ ધરી છે.

• નિકોલમાં 15 વર્ષની વિદ્યાર્થીની પર દુષ્કર્મ
• ટ્યૂશનની શિક્ષિકાના પતિએ દુષ્કર્મ ગુજાર્યો
• પોલીસ દ્વારા આધેડ આરોપીની કરાઈ ધરપકડ

અમદાવાદ: રાજ્યમાં મહિલાની સુરક્ષાના દાવા પોકળ સાબિત થઈ રહ્યા છે. ત્યારે, અમદાવાદના નિકોલ વિસ્તારમાં દુષ્કર્મનો કિસ્સો સામે આવ્યો છે. જેમાં, ક્લાસિસમાં જતી વિદ્યાર્થીનીને ટ્યૂશન ટીચરના પતિએ પીંખી નાખી હતી. એક વર્ષ પહેલાં આધેડે વિદ્યાર્થીની પર દુષ્કર્મ ગુજારતા પોલીસે આરોપીની ધરપકડ કરી છે. આરોપી જગદીશ ઘેલાણી શહેરના નિકોલમા રહે છે. તેની પત્ની જે ટ્યૂશન ક્લાસ ચલાવે છે. ત્યાં જ આરોપીએ 15 વર્ષની 9માં ધોરણમાં ભણતી વિદ્યાર્થીની પર દુષ્કર્મ ગુજાર્યો હતો. જેથી એકાદ વર્ષ બાદ બાળકીના પરિવારને જાણ થતા પોલીસ ફરિયાદ નોંધાઈ અને આરોપીની ધરપકડ કરાઈ છે.

આ પણ વાંચો:આર્થિક જરૂરિયાત ઉભી થતા ચોરીના રવાડે ચઢેલા કિન્નર સહિત 7 લોકોની ધરપકડ

અક વર્ષ બાદ આરોપી સામે પોલીસે કાર્યવાહી

આરોપી આમ નાસ્તાની લારી ચલાવે છે. પરંતુ, રવિવાર હોવાથી તે ઘરે હતો અને તે દિવસે વિદ્યાર્થીઓની પરીક્ષા લેવામાં આવી રહી હતી. પરીક્ષા બાદ તમામ વિદ્યાર્થીઓ નીકળી ગયા ત્યારે એકલતાનો લાભ લઇ આરોપી જગદીશએ આ સગીરા પર દુષ્કર્મ ગુજાર્યો અને કોઈને ન કહેવા માટે ધમકી પણ આપી હતી. જોકે, એકાદ વર્ષ બાદ વિદ્યાર્થીનીના પરિવારજનોને જાણ થતા આ ઘટના પરથી પરદો ઉચકાયો અને આખરે આરોપી સામે પોલીસે કાર્યવાહી કરી છે. આરોપીએ આ એક વિદ્યાર્થીની સાથે દુષ્કર્મ આચર્યું કે અન્ય કોઈ વિદ્યાર્થીનીઓ સાથે પણ આ હરકત કરી ચુક્યો છે તે બાબતે પણ તપાસ કરાશે.

આ પણ વાંચો:વટવા ફાયરિંગ મામલે નવો વળાંક, પિસ્તોલની ટ્રાયલ લેવા જતા હત્યા