સસ્પેન્સ અને કોમેડીથી ભરપૂર ફિલ્મ 'પટકથા'નું ટ્રેલર લોન્ચ, 8 ડિસેમ્બરે સમગ્ર ગુજરાતમાં થશે રીલિઝ

અત્યારે ગુજરાતી અર્બન ફિલ્મોનો જમાનો છે. ગુજરાતી પ્રેક્ષકો પણ ગુજરાતી અર્બન ફિલ્મોને યોગ્ય પ્રતિસાદ આપી રહ્યા છે. આ શ્રેણીમાં વધુ એક ગુજરાતી અર્બન ફિલ્મ 'પટકથા' 8મી ડિસેમ્બરે રીલિઝ થવાની છે. આ ફિલ્મનું ટ્રેલર લોન્ચ થયું છે. આ ટ્રેલરને સારો પ્રતિસાદ મળી રહ્યો છે. Patkatha Gujarati Urban Film Comedy Suspense 8 December relies

અમદાવાદઃ ગુજરાતી અર્બન ફિલ્મોને અત્યારે પ્રેક્ષકો હોંશે હોંશે જોઈ, માણી અને વખાણી રહ્યા છે. આવી જ વધુ એક ગુજરાતી અર્બન ફિલ્મ 'પટકથા' આખા રાજ્યમાં 8મી ડિસેમ્બરે રીલિઝ થવાની છે. આ ફિલ્મના ટ્રેલરે ધૂમ મચાવી દીધી છે. આ ફિલ્મ સસ્પેન્સ અને કોમેડીથી ભરપૂર છે.

'પટકથા' ફિલ્મ ટિટ બિટ્સઃ 'પટકથા' ફિલ્મ અમી પટેલ અને સીનેમોઝ પ્રોડકશન બેનર હેઠળ તૈયાર થઈ છે. આ ફિલ્મને દિર્ગદર્શક અને અભિનેતા અખિલ કોટકે બનાવી છે. આ ફિલ્મના નિર્માતા મનીષ પટેલ અને મયંક આંબલિયા છે. જ્યારે સહ નિર્માતા તરીકે દીપ સિંહ પરમાર જોડાયા છે. સસ્પેન્સ અને કોમેડીના કોકટેલથી બનેલ આ ફિલ્મમાં ગુજરાતી ફિલ્મોદ્યોગના નામી કલાકારો એ અભિનયના ઓજસ પાથર્યા છે. જેમાં કશીશ રાઠોર, અખિલ કોટક, અરવિંદ વેગડા, ભાવિની જાની, નિશિથ બ્રહ્મભટ, શૌનક વ્યાસ અને મનન દવે જેવા કલાકારોનો સમાવેશ થાય છે. આ ફિલ્મનું ગીત "આવ મારી જીંદગી......" પ્રખ્યાત ગાયક મયૂર ચૌહાણ દ્વારા ગવાયું છે. જે ઘણું પોપ્યુલર થઈ રહ્યું છે. આ ફિલ્મમાં કોમેડી અને સસ્પેન્સના તાણાવાણામાં મહિલા સશક્તિકરણના પાસાને સુંદર રીતે રજૂ કરવામાં આવ્યો છે.

ગુજરાતી ફિલ્મોમાં મુંબઈના કલાકાર કસ્બીઓ એન્ટર થઈ રહ્યા છે. ગુજરાતી ફિલ્મ નિર્માણમાં ઈક્વિપમેન્ટ્સ સ્ટાન્ડર્ડ થઈ ચૂક્યા છે. પ્રેક્ષકો પાસે એન્ટરટેઈનમેન્ટના અનેક માધ્યમો છે જેમાં ઓટીટી અને ટીવીનો સમાવેશ થાય છે. હજૂ બે વર્ષ ગુજરાતી ફિલ્મો માટે ટૂંકો ગાળો છે. તેમ છતાં દર વર્ષે એક મજેદાર ગુજરાતી અર્બન ફિલ્મ આવે જ છે. આપણી ગુજરાતી ફિલ્મ ઈન્ડસ્ટ્રીએ ખૂબ જ અપ્સ એન્ડ ડાઉન જોયા છે, પણ આપણે પ્રગતિના પથ પર છીએ...અરવિંદ વેગડા, અભિનેતા, પટકથા ફિલ્મ

'પટકથા' નામક ફિલ્મામાં કોમેડી અને ક્રાઈમનું મિક્ષ્ચર છે અને બંને એક્સ્ટ્રિમ છે. હું 15 વર્ષથી આ ક્ષેત્રે છું પણ આવી ફિલ્મ મેં જોઈ નથી...સૌનક વ્યાસ, અભિનેતા, પટકથા ફિલ્મ