વેજલપુરમાં હનીટ્રેપનો કિસ્સો, યુવતીએ પતિ સાથે મળી 8 વર્ષ જુના મિત્રને ફસાવી પડાવ્યા રૂપિયા

અમદાવાદના વેજલપુર વિસ્તારમાં હનીટ્રેપનો કિસ્સો પોલીસ ચોપડે નોંધાયો છે. જેમાં યુવકને મળવા માટે ઘરે બોલાવી યુવતીએ પતિ અને ભાઈ સાથે મળી યુવકનું અપહરણ કરી ટુકડે ટુકડે 77 હજાર રૂપિયા પડાવ્યા. આ મામલે પોલીસે યુવતી સહિત ત્રણેય આરોપીઓની ધરપકડ કરી છે.

• વેજલપુરમાં હનીટ્રેપનો કિસ્સો નોંધાયો
• યુવતીએ પતિ સાથે મળી યુવકને ઘરે બોલાવ્યો
• ફરિયાદ કરશો તો જાનથી મારી નાખવાની ધમકી આપી

અમદાવાદ : વેજલપુરમાં રહેતા શાહનવાજ શેખ નામના યુવકની 8 વર્ષ પહેલાં લગ્ન પ્રસંગમાં આફરીન નામની યુવતી સાથે મુલાકાત થઈ હતી. જે મુલાકાત બાદ તેઓની વચ્ચે ટેલિફોનિક અને વ્હોટ્સએપ પર વાત થતાં થોડાક સમય પછી સંપર્ક તૂટી ગયો હતો. 15મી ફેબ્રુઆરીએ યુવકના વ્હોટ્સએપમાં અજાણ્યા નંબરથી બ્લેન્ક મેસેજ આવ્યા હતા. ત્યારે 17 મી ફેબ્રુઆરીના રોજ રાત્રે આફરીને યુવકને ફોન કરીને યુવતીએ ઘરે એકલી છું તેવું જણાવી મળવા બોલાવ્યો. શાહનવાઝ યુવતીના ઘરે પહોંચતા જ તેના પતિએ યુવકને ઘરમાં લઈ જઈ માર મારી 50 હજારની માંગણી કરી અને તેના ખિસ્સામાં રહેલા 17 હજાર કાઢી તેને કારમાં બેસાડીને બાવળા રજોડા પાટિયા પાસે લઈ જઈ યુવકના પિતા પાસેથી 20 હજાર લઈ યુવકને છોડી દીધો હતો.

સ્કૂટર આપવા માટે બીજા 40 હજાર રૂપિયા માંગ્યાઆરોપીઓએ અપહરણ બાદ યુવકને છોડ્યો ત્યારે તેની સ્કૂટર માંગતા ન આપ્યું અને પછી યુવકના પિતાને સ્કૂટર લેવા બોલાવી સ્કૂટર આપવા માટે બીજા 40 હજાર રૂપિયા માંગ્યા હતા અને ત્યારબાદ સ્કૂટર પરતચ આપ્યું હતું. શાહનવાઝના પિતાને ધમકી આપી હતી કે, અમારા વિરુદ્ધ ફરિયાદ કરશો તો તમને અને તમારા દીકરાને જાનથી મારી નાખીશું.પોલીસે ત્રણેય આરોપીઓની ધરપકડ કરીઆ મામલે વેજલપુર પોલીસ સ્ટેશનમાં આફરીન, ઈમ્તિયાઝ અને ઇકબાલ નામના ત્રણ શખ્સો સામે ફરિયાદ નોંધીને પોલીસે ત્રણેય આરોપીઓની ધરપકડ કરી વધુ કાર્યવાહી હાથ ધરી છે. આ યુવતીએ આ રીતે અન્ય કોઈ યુવકને હનીટ્રેપમાં ફસાવી પૈસા પડાવ્યા છે કે કેમ તે દિશામાં પણ પોલીસે તપાસ હાથ ધરી છે.