100 કરોડના ખર્ચે અમદાવાદમાં હાઈટેક મ્યુનિસિપલ સ્કૂલ બનશે

અમદાવાદ: ખાનગી અને મોટી શાળામાં ભણવાની ઈચ્છા ધરાવતા ગરીબ અને મધ્યમ વર્ગના બાળકો માટે કોર્પોરેશન આધુનિક શાળાઓ બનાવી રહ્યું છે, ત્યારે આ શાળાઓ કેવી હશે. તેની કામગીરી શરૂ કરી દેવામાં આવી છે અને કોર્પોરેશન શિક્ષણ સમિતિને 100 વર્ષ પૂર્ણ થતાં કોર્પોરેશન સંચાલિત શાળાના નવા નામ રાખવાનો પણ નિર્ણય લેવાયો છે.

અમદાવાદમાં બનશે 10 કરોડના ખર્ચે એક હાઈટેક શાળા જેમા આધુનિક પ્રયોગશાળા, ઈ લાયબ્રેરી, સ્વિમિંગ પુલ, ઇન્ડોર અને આઉટ દોર ગેમ્સ હશે. આ હાઈટેક શાળા ખાનગી શાળાઓને ટક્કર મારે તેવી છે. જેમાં ગુજરાતી અને ઈંગ્લીશ મીડીયમ હશે. હાલમાં તો પ્લોટની ફાળવણી થઈ ગઈ છે અને ટૂંક સમયમાં બાંધકામનું કામ શરૂ કરવામાં આવશે. નારણપુરા, ગોતા, અસારવા જેવા વિસ્તારોમાં પ્લોટની ફાળવણી થયેલી છે અને આગામી સત્રથી આ શાળા શરૂ કરવામાં આવશે. જેમાં વિદ્યાર્થીઓની સંખ્યા પણ લિમિટેડ હશે અને પ્રવેશ પણ મેરીટથી આપવામાં આવશે.

100 કરોડના ખર્ચે અમદાવાદમાં હાઈટેક મ્યુનિસિપલ સ્કૂલ બનશે