અમદાવાદઃ હાઈકોર્ટમાં રાજ્ય સરકાર અને પૂજા શ્રોફ સામે વાલીઓ તરફે દાખલ કરાયેલી પિટિશનમાં રજૂઆત કરવામાં આવી હતી, કે શાળાના સંચાલકોની ભૂલની સજા વિદ્યાર્થીઓને મળવી ન જોઈએ. અરજદાર તરફે રજૂઆત કરવામાં આવી હતી, કે શાળાના સંચાલકોએ CBSEમાં ગુજરાત સરકારની નકલી NOC રજૂ કરી હોવાથી રાજ્ય સરકાર અને CBSE દ્વારા શાળાની માન્યતા રદ્દ કરવામાં આવી હતી.
ઉલ્લેખનીય છે કે, આગામી માર્ચ મહિના સુધી શાળાનો વહીવટ રાજ્ય સરકાર દ્વારા કરવામાં આવશે. ત્યાર બાદ શાળાને બંધ કરી દેવામાં આવશે. વાલીઓ તરફે રજૂઆત કરવામાં આવી હતી કે, શાળા સંચાલકો દ્વારા કરાયેલી ભૂલની સજા વિદ્યાર્થીઓને આપી શકાય નહીં. સંચાલકોએ ભૂલ કરી છે, તો તમને કાયદા અનુસાર સજા મળવી જોઈએ. પૂજા મંજુલા શ્રોફ અન્ય શાળાઓ પણ ચલાવે છે, ત્યારે સરકારે માત્ર એક શાળા બંધ ન કરવી જોઈએ.
વર્ષ 2010માં CBSE સાથે જોડાણ માટે DPS ઇસ્ટ દ્વારા ગુજરાતના શિક્ષણ વિભાગની NOC રજૂ કરવામાં આવી હતી. જે NOC નકલી હોવાનું બહાર આવતા રાજ્ય સરકારે શાળાની માન્યતા રદ્દ કરી હતી.
