‘હાર્દિક પટેલ સમાજનો ગદ્દાર...કેમ?’ અમદાવાદમાં લાગ્યા પોસ્ટર

અમદાવાદ: કોંગ્રેસમાં જોડાયા બાદ PAASના કાર્યકર્તાઓ જ હાર્દિક પટેલનો વિરોધ કરી રહ્યા છે. તે ઉપરાંત અલગ-અલગ શહેરોમાં હાર્દિકને સમાજનો ગદ્દાર ગણાવતા પોસ્ટર લાગ્યા છે. ત્યારે અમદાવાદના હિરાવાડી વિસ્તારમાં પણ હાર્દિકને સમાજનો ગદ્દાર ગણાવતા પોસ્ટર લગાડ્યા છે.

હાર્દિક પટેલના ફોટો સાથેના પોસ્ટર લાગ્યા છે. તેની પાછળના કારણો પણ રજુ કર્યા છે.

• અલ્પેશને જેલમાં મૂકી પોતે રાજકારણમાં જોડાઈ ગયો
• રાજકીય લાભ ખાટવા માટે 14 પાટીદારોનો ભોગ લીધો
• શહીદોના પરિવારને ન્યાય અપાવ્યા વગર રાજકારણમાં ગયો
• પાટીદારોને ગધેડે ચડાવી પાટીદારોના પ્રશ્નોને અધવચ્ચે મૂકીને રાજકારણના ઘોડે બેસી ગયો
• પાટીદારોને માર ખવડાવી પોલીસ જોડે દુશ્મની કરાવીને હાર્દિક ગદ્દાર રાજકારણમાં જોડાઈ ગયો
• પાટીદારોના દીકરાઓને જીવન સુધારવાની જગ્યાએ બરાબર કરીને રાજકારણમાં જતો રહ્યો

વધુમાં પોસ્ટરમાં લાગવામાં આવ્યું હતું કે હાર્દિક પાટીદાર સમાજનો થયો નથી. ત્યારે અન્ય સમાજનો શું થશે ?. આ ઉપરાંત હાર્દિકના સમર્થકોને પણ મેંસેજ આપવામાં આવ્યો છે અને લખવામાં આવ્યું કે આ ગદ્દારના સમર્થકોએ સોસોયટીમાં આવવું નહિ.