ગાંધીનગર: માર્ચ 2023 માં રાજ્યના શિક્ષણ બોર્ડ દ્વારા ધોરણ 12 વિજ્ઞાન પ્રવાહની પરીક્ષાનું આયોજન થયું હતું જેમાં કુલ 140 કેન્દ્ર ઉપર 1,10,000 થી વધુ વિદ્યાર્થીઓએ પરીક્ષા આપી હતી. આજે સવારે 9:00 કલાકે રાજ્યના કેબિનેટ શિક્ષણ પ્રધાન કુબેર ડીંડોર અને રાજ્યકક્ષાના શિક્ષણ પ્રધાન પણ પ્રફુલ પાનસેરીયાએ સવારે 9:00 કલાકે વિજ્ઞાન પ્રવાહનું અને ગુજકેટનું પરિણામ જાહેર કર્યું હતું. જેમાં ધોરણ 12 વિજ્ઞાન પ્રવાહનું કુલ 65.58 ટકા પરિણામ આવ્યું છે જે ગત વર્ષ કરતા 6.44 ટકા પરિણામ ઓછું આવ્યું છે.
ગત વર્ષ કરતા પરિણામ ઘટ્યું:સૌથી વધુ પરિણામ સાથે હળવદ કેન્દ્ર પ્રથમ નંબરે છે. હળવદ કેન્દ્રનું 90.41 ટકા પરિણામ આવ્યું છે. સૌથી વધુ પરિણામ ધરાવતો જિલ્લો મોરબી 83.22 ટકા જયારે સૌથી ઓછું પરિણામ ધરાવતો જિલ્લો દાહોદ 29.44 ટકા પરિણામ આવ્યું છે. 27 શાળાઓ એવી છે જેને 100 ટકા પરિણામ પ્રાપ્ત કર્યું છે. 10 ટકા કે તેથી ઓછું પરિણામ ધરાવતી શાળાઓની સંખ્યા 76 છે.
પરિણામની એક ઝલક:
- વિદ્યાર્થીઓને સંખ્યા - 1,10,042
- પાસ વિદ્યાર્થીઓ - 72,166
- વિદ્યાર્થીઓનું પરિણામ - 66.32 ટકા
- વિદ્યાર્થીનીઓનું પરિણામ - 64.66 ટકા
- A1 ગ્રેડ સાથે કુલ 61 વિદ્યાર્થીઓ પાસ
- અંગ્રેજી માધ્યમના ઉમેદવારોની પરિણામ 67.18 ટકા
- ગુજરાતી માધ્યમના ઉમેદવારોનું પરિણામ 65.32 ટકા
- A ગ્રુપનું પરિણામ 72.27 ટકા
- B ગ્રુપનું પરિણામ 61.71 ટકા
- AB ગ્રુપનું પરિણામ 58.62 ટકા
- દિવ્યાંગ ઉમેદવારો 179 માંથી 112 ઉમેદવારો પાસ
35 જેટલા ગેરેરિતીના કેસ ઝડપાયા:આ વર્ષે 12 સાયન્સની પરીક્ષા આપનારાએ ગ્રુપના કુલ 44,852 વિદ્યાર્થીઓ સામે બી ગ્રુપના 81,884 વિદ્યાર્થી છે, એટલે કે એ ગ્રુપ કરતાં બી ગ્રુપના વિદ્યાર્થીઓ 45 ટકા વધારે છે. માર્ચ 2023 માં યોજાયેલી પરીક્ષામાં કુલ 35 જેટલા ગેરેરિતીના કેસ ઝડપાયા હતા. ચાલુ વર્ષના એ, બી અને એબી ગ્રુપના કુલ મળીને 11,0382 વિદ્યાર્થી છે.