ગુજરાતી સીંગર ગીતા રબારીએ દિલ્હી ખાતે વડાપ્રધાન નરેન્દ્ર મોદી સાથે મુલાકાત કરી હતી. સાથે જ આ મુલાકાતને શુભેચ્છા મુલાકાત ગણાવી હતી. આ મુલાકાતમાં તેમનું સંગીત "રોણાં શહેર" ગીતને લોકોએ વધુ પસંદ કર્યું તે માટે વડાપ્રધાન મોદીએ તેમને શુભેચ્છા પાઠવી હતી.
ગીતા રબારીએ જણાવ્યું હતું કે, તેવો નાના હતા ત્યારે કચ્છ રણોત્સવમાં તેમણે આ ગીત ગાયું હતું. તે સમયે નરેન્દ્ર મોદી રાજ્યના મુખ્યપ્રધાન હતા અને તેમના ગીતથી પ્રભાવિત થઈને 250 રૂપિયા આપ્યા હતા. સાથે જ તેમણે વડાપ્રધાન મોદી સમક્ષ તેમના માટે બનાવેલું ગીત "અમે રાજી મોદીજી તમારા રાજમાં રે" ગીત પણ મીડિયા સમક્ષ ગાયું હતું. સાથે જ આજે મુખ્યપ્રધાન વિજય રૂપાણી સાથેની મુલાકાતને શુભેચ્છા મુલાકાત ગણાવી હતી.
