21 દિવસના લોક્નડાઉનના પગલે ગરીબોના ઘેર જઈને ફૂડ કીટનું વિતરણ

લોકડાઉનની સ્થિતિમાં સૌથી વધુ જેઓને ભોગવવું પડી રહ્યું છે તે છે ગરીબ મધ્યમવર્ગ. તેમના માટે અનેક ઠેકાણે ફૂડ પેકેટ બની રહ્યાં છે અને વિતરિત પણ કરાઈ રહ્યાં છે. કોબામાં થઈ રહેલી આવી પ્રવૃત્તિ વિશે જાણીએ.

અમદાવાદ: કોરોના વાઈરસે સમગ્ર વિશ્વમાં હાહાકાર મચાવ્યો છે, ત્યારે વડાપ્રધાન નરેન્દ્ર મોદી દ્વારા આપવામાં આવેલ જનતા કરફ્યુ અને ત્યારબાદ 21 દિવસ માટે લોકડાઉન એટલે કે સ્વયંભૂ બંધને અભૂતપૂર્વ પ્રતિસાદ મળી રહ્યો છે. લોકો બહાર નીકળવાનું ટાળી રહ્યાં છે. રસ્તાઓ પણ સુમસાન ભાષી રહ્યા છે. કોરોનાના કહેરને રોકવા માટે જનતા પણ ખૂબ જ મક્કમ મને સરકારની સાથે જોડાયેલી છે. રસ્તાઓ તેમજ બજારો પણ બિલકુલ બંધ રહ્યાં છે.

21 દિવસના lock downના પગલે સંપૂર્ણ દુકાનો તેમ જ બજારો બંધ હોવાના કારણે જેમની પાસે કોઇ અનાજ કે ઘરવખરીની સામગ્રી ભરેલી લ હોય, તેવા ગરીબ અને મધ્યન વર્ગને પાયાની જરૂરિયાત તેમજ ખાવા માટેના તકલીફ ન પડે, તે માટે સમાજસેવકો દ્વારા એક મહિનો ચાલે તેટલું અનાજ તેમજ અનાજ સાથે જરૂરિયાતની સંપૂર્ણ રસોડાની સામગ્રીની કીટ તૈયાર કરવામાં આવી હતી. કોબા ગામમાં સરપંચ યોગેશભાઈ નાઈ તેમ જ કોબા પાસે આવેલા જૈન દેરાસર મહાવીર પુરમમાં આચાર્ય ભગવંત મહારાજ ચંદ્રવિજય મહારાજ સાહેબ અને સ્થાનિક દાતાર વિક્રમ મહેતા અને સમગ્ર ગામવાસીઓ દ્વારા ગરીબોને તેમજ આસપાસના નવી બનતી બિલ્ડિંગમાં કામ કરતા મજૂર વર્ગ અને કે જેઓ રોજ કમાઇને રોજ ખાય છે. ત્યારે આમ રોજ કમાઈને પૂરું કરવાવાળા ગરીબ વર્ગને ઘેરઘેર જઈને અંદાજિત દોઢ લાખ રૂપિયાની કિંમતની food કીટ વિતરણ કરવામાં આવી હતી.હજુ પણ અવિરતપણે આવી ફૂડ કીટ તૈયાર કરાવવામાં આવી રહી છે. ત્યારે કુદરત દ્વારા આવેલી આટલી મોટી કોરોના વાયરસની બીમારીની આફતની સામે ઝઝૂમતાં ગરીબ પરિવારોને પણ હમદર્દી તેમ જ લાગણીથી ધ્યાન રાખી, સામાજિક જવાબદારી સ્વેચ્છાએ પોતાનાથી શક્ય તેટલું યોગદાન આપી ગરીબ મધ્યમ વર્ગીય પરિવારનું ધ્યાન રાખવામાં આવી રહ્યું છે તેનેે માનવતાનું ઉત્તમ ઉદાહરણ કહી શકાય તેમ છે.