કમિશને કહ્યું કે, ભવિષ્યમાં આવા બનાવ ન બને એ માટે ગુરુકુળ કાળજી લે અને 10 વર્ષથી નીચેના બાળકોને ગુરુકુળમાં પ્રવેશ ન આપે. બંને બાળકોના અવસાનના બનાવ અંગે નિવૃત જસ્ટીસ ડી.કે. ત્રિવેદીના અધ્યક્ષપદે એક તપાસ પંચ રચાયું હતું. જેના અહેવાલમાં આ તમામ વિગતો સામે આવી છે.
કમિશનની બોલી અને શરતો નીચે પ્રમાણેની હતી
- કમિશને પોતાની તપાસમાં શાળાના બે બાળકોના મૃત્યુના બનાવ અંગેની સત્ય હકીકત અને તેના કારણો તપાસવા.
- બે બાળકોના મરણ અંગે પોલીસ દ્વારા થયેલ તપાસ અને લેવાયેલ પગલાં પુરતા હતા કે કેમ એ તપાસવું.
- ભવિષ્યમાં આવા બનાવ ન બને તે અંગેના સુચનો અને ભલામણો આપ્યા.
તપાસ પંચ જે અહેવાલ આપેલ છે તેની વિગત નીચે પ્રમાણે છે
- શાળાના બે બાળકોના મરણ અંગે સંપૂર્ણ વિગતો તપાસેલ છે. દિપેશ અને અભિષેકના 03/07/2018ના રોજ મોડી સાંજે ગુમ થવાનો બનાવ આશ્રમ મેનેજમેન્ટની નિષ્કાળજીના કારણે બનેલી છે, અને પંચનો એવી અભિપ્રાય છે કે આ પ્રકારની નિષ્કાળજી કોઈપણ પ્રકાર ચલાવી શકાય નહીં.
- આ બનાવની તપાસ સી.આઈ.ડી. (ક્રાઈમ)ને સુપ્રત કરવામાં આવતા સ્થાનિક પોલીસ દ્વારા કોઈ ભૂલ-ક્ષતિ કરવામાં આવેલું હોવાનું જણાતું નથી.
- ભવિષ્યમાં એવા બનાવ ન બને તે માટે જવાબદાર અધિકારીને ગૂરૂકુળની રૂબરૂ મુલાકાત લેવા ૧૦ વર્ષથી નીચેના બાળકોને હોસ્ટેલમાં પ્રવેશ ન આપવો,
- ડોકટર/વોર્ડન દ્વારા નિશ્ચિત રજીસ્ટરમાં બાળકોના સુવાના સમયે નોંધ કરવી, CCTV કેમેરાની વ્યવસ્થા ગોઠવી, વિદ્યાર્થી અને સાધકોના મૂવમેન્ટ રજીસ્ટર રાખવા
- પ્રાથમિક સારવાર ઉપલબ્ધ હોવી જોઈએ, મેનેજમેન્ટ દ્વારા બાળકોના વાલીનો સતત સંપર્ક કરવો
- કેમ્પસમાં રાત્રી દરમિયાન યોગ્ય લાઇટની વ્યવસ્થા, વિદ્યાર્થી માટે યોગ્ય રમતનું મેદાન, મેનેજમેન્ટ દ્વારા વિદ્યાર્થીઓને નદી કિનારે લઈ જવાનું ટાળવું. જો લઈ જવામાં આવે તો ગુરુકુળના જવાબદાર વ્યક્તિને સાથે મોકલવા વગેરે.
