અમદાવાદ : વિધવા વૃધ્ધા સાથે ફેસબુક પર ઈમોશનલ વાતો કરી આર્થિક મદદના બહાને અને બાદમાં ગિફ્ટ મોકલવાના નામે લાખો રૂપિયાની છેતરપિંડી (Ahmedabad Crime News) આચરનાર નાઇઝીરીયન ગેંગના બે આરોપીની સાયબર ક્રાઇમે દિલ્હીથી ધરપકડ કરી છે. જોકે હજુ આ ગેંગમાં વધુ આરોપીઓ હોવાનું સામે આવતા તે આરોપીઓ સુધી પહોંચવા સાયબર ક્રાઇમનું દિલ્હીમાં ઓપરેશન યથાવત રાખવામાં આવ્યું છે. (Nigerian Fraud in Ahmedabad)
શું હતો સમગ્ર મામલો આ મામલે સાયબર ક્રાઈમ અકા ગેરાર્ડ અને ગિફ્ટ ઓલાબીસી ઓકાફોર નામના બે નાઇજીરીયન પકડ્યા છે. આ બંને આરોપીઓએ તેમના સાગરિતો સાથે મળીને એક વૃદ્ધ મહિલા સાથે ફેસબુક થક્કી મિત્રતા કરી હતી. મહિલાના પતિનું અવસાન થયું હોવાથી તે એકલી હોવાથી ડિપ્રેશનમાં રહેતી હતી. તે ડિપ્રેશનમાંથી બહાર આવવા માટે તે ફેસબુક ID ધારક સાથે વાત કરતી હતી. આ દરમિયાન આરોપીઓને ખ્યાલ આવી ગયો કે આ વૃધ્ધા તેઓની જાળમાં ફસાઈ જશે. (emotional talking cheating case in Ahmedabad)
આરોપીએ ઇમોશનલ વાતો કરી જેથી આરોપીઓમાંના એક આરોપીએ ઇમોશનલ વાતો શરૂ કરી સંબંધો કેળવ્યા. બાદમાં વૃધ્ધા પાસે આર્થિક મદદ પણ માંગી. જેથી વૃધ્ધાએ પહેલા આનાકાની કરી પણ બાદમાં જાળમાં ફસાવી વૃધ્ધાના લાખો રૂપિયા આ ગઠિયાઓએ પડાવી લીધા. વૃધ્ધાએ પૈસા પરત માંગતા આરોપીએ ગિફ્ટ મોકલી હોવાનું કહીને પણ છેતરી હતી. આમ કુલ 33.92 લાખ રૂપિયા પડાવનાર આરોપીઓએ આ રીતે છેતરપિંડી કરતા તેઓ સામે ગુનો નોંધી પોલીસે બે લોકોની ધરપકડ કરી છે. (Cheated by emotionally talking on social media)