ટંકારા વિધાનસભા બેઠકના ધારાસભ્ય લલિતભાઈ કગથરાના પુત્ર સહિત પરિવારજનો પશ્ચિમ બંગાળમાં ફરવા ગયા હતા. જ્યાં કોલકાતાથી ફ્લાઈટમાં અમદાવાદ પરત ફરવાના હતા. પરંતુ ફ્લાઈટ ચૂકી જતા કોલકાતાથી તેઓ વોલ્વો બસમાં લલિત કગથરાના પુત્ર વિશાલ કગથરા સહિત 3 દંપતિ બહેરામપુર તરફ આવી રહ્યાં હતા, ત્યારે ટ્રક અને વોલ્વો બસ વચ્ચે અકસ્માત સર્જાયો હતો. જેમાં લલિતભાઈના પુત્ર વિશાલનું મોત નિપજ્યુ હતું.
અમિત ચાવડા અને પરેશ ધાનાણીએ લલિત કગથરાના પરિવારને સાંત્વના પાઠવી
અમદાવાદ: મોરબી જિલ્લામાં આવેલા ટંકારા વિધાનસભા બેઠકના કોંગ્રેસના ધારાસભ્ય અને રાજકોટ લોકસભા બેઠકના કોંગ્રેસના ઉમેદવાર લલિત કગથરાના પુત્ર વિશાલ કગથરાનું પશ્ચિમ બંગાળના બહેરામપુર ખાતે અકસ્માતમાં અવસાન થયું છે. જેને લઇને ગુજરાત પ્રદેશ પ્રમુખ અમિત ચાવડા અને અમરેલી બેઠકના લોકસભા ઉમેદવાર પરેશ ધાનાણીએ લલિત કગથરાના પરિવારને સાંત્વના પાઠવી છે.
Amit Chavda Paresh Dhanani
આ અક્સ્માતમાં લલિત કગથરાના પુત્ર વિશાલ કગથરાના નિધનને લઈને ગુજરાત પ્રદેશ કોંગ્રેસ સમિતિના પ્રમુખ અમિત ચાવડા અને વિધાનસભા કોંગ્રેસ પક્ષના નેતા પરેશ ધાનાણીએ લલિત કગથરાના પરિવાર પર આવી પડેલી દુઃખદ ઘટના અંગે શોકની લાગણી વ્યક્ત કરી, તેમના પરિવારને સાંત્વના પાઠવી હતી.