રાજ્યમાં કુલ 55 હજાર આઇસોલેશન બેડના 82 ટકા એટલે કે 45 હજાર બેડ હજુ પણ સારવાર માટે ઉપલબ્ધ, સીએમ રૂપાણીનો પીએમને જવાબ

વડાપ્રધાન નરેન્દ્ર મોદીએ દેશમાં કોરોના સંક્રમણના વધતા વ્યાપ તેમજ રાજ્યો દ્વારા સંક્રમણ નિયંત્રણ અને સારવાર સુવિધાની સજ્જતાનું નિરીક્ષણ કરી માર્ગદર્શન આપવા દેશના 8 રાજ્યોના મુખ્યપ્રધાનો સાથે વીડિયો કોન્ફરન્સ બેઠક યોજી હતી. કેન્દ્રીય ગૃહપ્રધાન અમિત શાહ પણ આ બેઠકમાં જોડાયા હતા.

• 104 હેલ્પલાઇન સેવાનો 2.78 લાખથી વધુ લોકોએ લાભ મેળવ્યો
• 1700 ધન્વંતરી રથ દ્વારા ડોર સ્ટેપ OPD સેવાઓ ઘર આંગણે મળતી થઇ
• અમદાવાદમાં 700 સંજીવની રથ દ્વારા ત્રણ હજાર કોલ્સ એટેન્ડ કરાયા
• અમદાવાદમાં 125થી વધુ કિયોસ્ક અને 74 અર્બન હેલ્થ સેન્ટરમાં સતત કોરોના ટેસ્ટ પ્રક્રિયા શરૂ

ગાંધીનગર: વડાપ્રધાન નરેન્દ્ર મોદીએ દેશમાં કોરોના સંક્રમણના વધતા વ્યાપ તેમજ રાજ્યો દ્વારા સંક્રમણ નિયંત્રણ અને સારવાર સુવિધાની સજ્જતાનું નિરીક્ષણ કરી માર્ગદર્શન આપવા દેશના 8 રાજ્યોના મુખ્યપ્રધાનો સાથે વીડિયો કોન્ફરન્સ બેઠક યોજી હતી. કેન્દ્રીય ગૃહપ્રધાન અમિત શાહ પણ આ બેઠકમાં જોડાયા હતા.

Cm વિજયર રૂપાણીએ PM મોદી સાથે કરી વાતચીત

કોરોના વિશે ગુજરાતની તમામ માહિતી આપાઇ

સીએમ વિજય રૂપાણીએ આ બેઠકમાં ગાંધીનગરથી સહભાગી થતાં ગુજરાતમાં દિવાળીના તહેવારો પછી કોરોના સંક્રમણ કેસોમાં થયેલા વધારા સામે રાજ્ય સરકારની આરોગ્ય સુવિધા-સારવાર વ્યવસ્થાની વિસ્તૃત જાણકારી પીએમ મોદીને આપી હતી. જેમાં હજુ 45 ટકા જેટલા બેડ ખાલી હોવાની વિગત પીએમ મોદીને આપવામાં આવી હતી.

Cm વિજયર રૂપાણીએ PM મોદી સાથે કરી વાતચીત

અમદાવાદમાં બેડની સંખ્યા વધારવામાં આવી

કોરોનાના આ વધેલા કેસોને ધ્યાને લઇને રાજ્ય સરકારે અમદાવાદ તેમજ અન્ય શહેરોમાં કોવિડ બેડની સંખ્યા વધારી દીધી છે. રાજ્યમાં કોઇ જ સંક્રમિત વ્યકિતને સારવાર માટે બેડના અભાવે વંચિત રહેવું ન પડે તે હેતુસર સંપૂર્ણ વ્યવસ્થાઓ સરકારે કરી છે.

હજી 45,000 બેડ ખાલી

સમગ્ર રાજ્યમાં અંદાજે 55 હજાર આઇસોલેશન બેડ ઉપલબ્ધ છે. આ બેડમાંથી 82 ટકા એટલે કે, 45 હજાર જેટલા બેડ હજુ પણ ખાલી છે, એટલે કે, સંક્રમિતો માટે સરળતાએ ઉપલબ્ધ છે. કોરોના સંક્રમિત દર્દીને હોસ્પિટલોમાં દાખલ કરવામાં વિલંબ ન થાય અને ત્વરિત દાખલ કરાવી સારવાર શરૂ થઇ શકે તે માટે 108 એમ્બ્યુલન્સ સેવાઓ વધુ પ્રભાવી બનાવી છે.

Cm વિજયર રૂપાણીએ PM મોદી સાથે કરી વાતચીત

ઈ સંજીવની માટેની વિગતો આપી

સીએમ રૂપાણીએ ગુજરાતને 104 ફિવર હેલ્પલાઇનનો જે પ્રયોગ સફળતાપૂર્વક અપનાવ્યો છે, તેની વિગતો પણ આ વીડિયો કોન્ફરન્સમાં આપી હતી. સીએમ રૂપાણીએ જણાવ્યું હતું કે, આ સેવા અંતર્ગત લોકોને ઘરે બેઠા જ કોવિડ અંગે પરામર્શ તેમજ આરોગ્ય સેવા મળી રહે છે. રાજ્યમાં અત્યાર સુધીમાં 2.78 લાખ લોકોએ આ 104 હેલ્પલાઇનનો લાભ મેળવેલો છે.

ધન્વંતરી રથની આપી વિગતો

સીએમ રૂપાણીએ રાજ્યમાં જનરલ સર્વેલન્સ અને કોમ્યુનિટી સર્વેલન્સ માટે ટીમની સંખ્યા વધારી દેવા સાથે કોવિડથી વધુ અસરગ્રસ્ત વિસ્તારોમાં ધન્વંતરી રથની સંખ્યા પણ 1100 થી વધારીને 1700 કરી છે. જ્યારે આ ધન્વંતરી રથ ડોર સ્ટેપ–ઘર આંગણે ઓ.પી.ડી. સેવા ઉપલબ્ધ કરાવે છે. શરદી, ખાંસી, તાવ, બી.પી અને ડાયાબિટીસના દર્દીઓને આ રથ મારફતે સારવાર સેવા આપવામાં આવે છે.

કોરોના સંક્રમણ વધ્યું એટલે કરફ્યુ મૂક્યો

રાજય સરકારે કોરોના કેસોમાં અચાનક થયેલા વધારા સામે સતર્કતા રાખીને અમદાવાદ, વડોદરા, રાજકોટ, સુરત મહાનગરમાં રાત્રિ કરફયુનો અમલ શરૂ કર્યો છે, તેની પણ જાણકારી આપી હતી. રૂપાણીએ પીએમ મોદીને વિશ્વાસ આપ્યો કે, વધતા સંક્રમણને રોકવા રાજ્ય સરકાર સંપૂર્ણ સજ્જ છે. આ તબક્કામાં પણ કોરોના સંક્રમણના વ્યાપ પર નિયંત્રણ મેળવવામાં સફળ થઇશું એવો દ્રઢ વિશ્વાસ રૂપાણીએ વ્યકત કર્યો હતો.