Kite Festival: અમદાવાદમાં આંતરરાષ્ટ્રીય પતંગ મહોત્સવ શરૂ, CM ભુપેન્દ્ર પટેલે કર્યુ ઉદ્દઘાટન

અમદાવાદ ખાતે રંગારંગ અને ઉત્સાહપૂર્વક આંતરરાષ્ટ્રીય પતંગમહોત્સવનો પ્રારંભ કરવામાં આવ્યો છે. આકાશમાં ફુગ્ગાઓ છોડીને મુખ્યપ્રધાન ભુપેન્દ્ર પટેલે આ પતંગોત્સવનો પ્રારંભ કરાવ્યો હતો.

અમદાવાદઃસાબરમતી રીવરફ્રન્ટ ખાતે આજથી આંતરરાષ્ટ્રીય પતંગ મહોત્સવનો પ્રારંભ થયો છે. મુખ્યપ્રધાન ભુપેન્દ્ર પટેલે આ પતંગમહોત્વનું ઉદ્દઘાટન કર્યુ હતું. મહત્વપૂર્ણ છે કે, આ વખતે આ આંતરરાષ્ટ્રીય પતંગમહોત્સવમાં 55 દેશના 153 જેટલાં પતંગબાજો ભાગ લઈ રહ્યાં છે.

દર વર્ષની જેમ આ વર્ષે પણ ગુજરાતમાં અમદાવાદના પતંગોત્સવમાં વિવિધ થીમ પર લોકો નાના-મોટા પતંગ ચગાવે છે. ત્યારે ભગવાન શ્રી રામની થીમ ઉપર બનાવવામાં આવેલા પતંગે આખા પતંગોત્સવનું આકર્ષણનું કેન્દ્ર બન્યું છે. આ પતંગને જોઈને તમામ લોકો ભાવ વિભોર બની ગયા હતાં. ભગવાન શ્રીરામની 16 ફૂટની છબીવાળો પતંગ ચગાવવામાં આવ્યો હતો, જે આકર્ષણનું કેન્દ્ર બન્યો.

આ પ્રસંગે લોકોને સંબોધન કરતા મુખ્યપ્રધાને જણાવ્યું હતું, વડાપ્રધાન મોદીના નેતૃત્વ હેઠળ ગુજરાતમાં શરૂ થયેલો આ પતંગ મહોત્સવના કારણે સમગ્ર વિશ્વમાં દેશને ખ્યાતી અપાવી છે. આ મહોત્સવના કારણે જ આજે ગુજરાતમાં પતંગ ઉદ્યોગ ધમધમ્યો છે.

મહત્વપૂર્ણ છે કે, આ પતંગોત્સવમાં 55 દેશના 153 જેટલાં પતંગબાજો ભાગ લઈ રહ્યાં છે. મહોત્સવના પ્રારંભે મોટી સંખ્યામાં લોકો પણ રિવરફ્રન્ટ ખાતે ઉમટી પડ્યાં હતાં, જ્યારે દેશ-વિદેશમાંથી આવેલા લોકો સમક્ષ ગુજરાતની સંસ્કૃતિની ઝાંખી રજૂ કરીને તેમને આવકારવામાં આવ્યાં હતાં.