અમદાવાદમાં મહિલાઓને સહાય આપવાના બહાને છેતરતી મહિલા ઠગ ઝડપાઇ

અમદાવાદઃ ક્રાઈમ બ્રાન્ચે બાતમીના આધારે આસ્ટોડિયા દરવાજા પાસેથી 34 વર્ષીય સઈદાબીબી પઠાણ નામની મહિલાની ધરપકડ કરી હતી. જે મહિલાઓને લલચાવી અને વિશ્વાસમાં લઈને જુદી જુદી સરકારી કચેરીમાં લઇ જતી હતી અને ડરાવી દાગીના પડાવીને છેતરપીંડી કરતી હતી.

બહેનોને વિધવા સહાયની રકમ-પેન્શન આપવાના બહાને દાગીના કઢાવી લઈને છેતરપીંડી કરતી સઈદાબીબી ફિરોજખાન પઠાણ નામની મહિલાની ક્રાઈમ બ્રાંચે 485100ની કિમતના સોનાના દાગીના સાથે ધરપકડ કરી છે.

મહિલા આરોપીની ધરપકડ કરતા તેને અગાઉ કરેલા શહેરકોટડા, વાડજ, બાપુનગર, ઇડર, સુરેન્દ્રનગર, નડિયાદ અને વડોદરા મળી કુલ 7 જેટલા ગુનાની કબુલાત કરી છે. આ એક નવા પ્રકારે છેતરવાની રીત સામે આવી છે જેને લઈને અમદાવાદ ક્રાઈમ બ્રાન્ચે મહિલા આરોપીની વધુ પૂછપરછ કરી આગળની કાર્યવાહી હાથ ધરી છે.