અમદાવાદ :છેલ્લા છ દિવસથી કેન્દ્રીય સચીવ ભૂપેન્દ્રસિંહ ભલ્લાની આગેવાનીમાં અન્ય સચીવો સાથેની ટીમ અમદાવાદ શહેરમાં આવી છે. અમદાવાદ ઉપરાંત સૂરત અને મુંબઇ જેવા શહેરમાં પણ કેન્દ્રની ટીમ મોકલવામાં આવી છે. જે મોટા શહેરોમાં કોરોના વાયરસનું સંક્રમણ સતત ફેલાઈ રહ્યું છે. તેવા શહેરોનું આરોગ્ય ઈન્ફ્રાસ્ટ્રક્ચરની તપાસ કરવા અને કોરોના વાયરસના સંક્રમણને અટકાવવા માટે કેવા કેવા ઉપાય કરી શકાય, તેવી સઘળી માહિતી એકઠી કરીને આ ટીમ દ્વારા સંપૂર્ણ રીપોર્ટ પીએમ ઓફિસને સોંપાશે.
કેન્દ્રની ટીમ દ્વારા હોટસ્પોટ અમદાવાદની કોરોના સંદર્ભે જાતતપાસ, પીએમઓને રીપોર્ટ આપશે છેલ્લાં છ દિવસથી અમદાવાદની ઉસ્માનપુરા સ્થિત હયાત હોટલમાં આ ટીમ રોકાઈ છે. આજે આ ટીમે અમદાવાદની એસ.જી.હાઇવે સ્થિત સોલા સિવિલ હોસ્પિટલ, નવરંગપુરા સ્થિત HCG હોસ્પિટલની મુલાકાત લીધી હતી. હવે આ ટીમ GMSCL ગોડાઉન નરોડાની મુલાકાત લેશે. સાંજે જેતલપુર એપીએમસી ની મુલાકાત લે તે પણ સંભવ છે.
કેન્દ્રની ટીમ દ્વારા હોટસ્પોટ અમદાવાદની કોરોના સંદર્ભે જાતતપાસ, પીએમઓને રીપોર્ટ આપશે ઉલ્લેખનીય છે કે, આ ટીમ દ્વારા અમદાવાદ શહેરના કલેકટર, પોલીસ કમિશનર, અમદાવાદ મ્યુનિસિપલ કમિશનર અને જે હોસ્પિટલોમાં કોરોનાના દર્દીઓને સારવાર અપાઇ રહી છે. તેના સુપ્રિન્ટેન્ડેન્ટ સાથે પણ સતત મુલાકાત અને બેઠક કરવામાં આવે છે. તેમ જ હોસ્પિટલમાં ઉપલબ્ધ સાધનો અને વ્યવસ્થાનું પણ સઘન ચેકિંગ કરવામાં આવે છે. જેથી કરીને જે સાધનોની જરૂર હોય તે કેન્દ્ર દ્વારા ગુજરાત સરકારને પૂરા પાડવામાં આવે.
