GTU દ્વારા સ્તન કેન્સરનું નિદાન કરતું ડિવાઇસ તૈયાર કરાયું

ગુજરાત ટેક્નોલોજીકલ યુનિવર્સિટી રિસર્ચર્સ(Technological University Researchers) અને ઈન્ક્યુબેટર્સને પ્રોત્સાહન આપવા માટે હરહંમેશ કાર્યરત રહે છે. બ્લડ સુગર, બ્લડ પ્રેશર કે પછી ગર્ભાવસ્થા માટે અદ્યતન ટેક્નોલોજીની મદદથી ઘરે રહીને જ નિદાન કરી શકાય છે. તેવી જ રીતે સરળતાથી ગ્રામ્ય વિસ્તારની મહિલાઓ પણ વિના સંકોચે ઘરે રહીને જાતેજ સ્તન કેન્સરનું નિદાન(Diagnosis of breast cance)નિદાન કરતું ડિવાઈસ બનાવ્યું છે.

• GTU ઈન્ક્યુબેટર્સ ધ્રુવ પટેલે ડિવાઈસ તૈયાર કર્યું
• સ્તન કેન્સર, બ્લડ સુગર, બ્લડ પ્રેશર અને ગર્ભાવસ્થામાં પણ ઘરે બેઠા નિદાન કરી શકાશે
• ક્લિનિકલ ટ્રાયલની પ્રક્રિયા પૂર્ણ કરીને ડીવાઈસને લોન્ચ કરાશે
• ગ્રામ્ય વિસ્તારની મહિલાઓ વિના સંકોચે કરી શકશે નિદાન

અમદાવાદઃ સમગ્ર વિશ્વમાં બેફામ કેન્સરના દર્દીઓની સંખ્યા વધતી જાય છે ત્યારે કેન્સરના રોગી પર અંકુશ આવી શકે તે માટે અમદાવાદના ધ્રુવ પટેલેધરે બેઠા કેન્સરનું ટેસ્ટીંગ થઈ શકે તેવું અનોખું સર્જનાત્મક સ્તન કેન્સર ડિવાઈસ બનાવ્યું છે. આકેન્સર ડિવાઈસ કેન્સરથી પીડિત લોકો ઘરે બેઠા કેન્સરની તપાસ કરી શકે છે. ધ્રુવ પટેલે ગુજરાત ટેક્નોલોજીકલ યુનિવર્સિટીથી પ્રેરણા લઈનેકેન્સર ડિવાઈસનું સર્જન કર્યું છે. ત્યારે કેન્સર ડિવાઈસ વિષે GTUના કુલપતિ પ્રો. ડૉ. નવીન શેઠે જણાવ્યું હતું કે, WHOના રીપોર્ટ પ્રમાણે વિશ્વમાં અન્ય કેન્સરની સાપેક્ષે સ્તન કેન્સરના કેસમાં સતત વધારે થતો જેવા મળી રહ્યો છે. જ્યારે આ ડિવાઈસના ઉપયોગથી સ્તન કેન્સરથી થતાં મૃત્યુ(Deaths from breast cancer)ના રેશીયોને કંઈક અંશે લગામ લગાવી શકાશે.

2020માં ભારતમાં 7 લાખથી વધુ સ્તન કેન્સર નોંધાયા

GTU ડિઆઈસી ઈન્ક્યુબેટર્સ તેમજ ડીથ્રીએસ હેલ્થકેર ટેક્નોલોજીના સ્થાપક ધ્રુવ પટેલે આ બાબતે જણાવ્યું હતું કે, ભારતમાં વર્ષ 2020માં 7 લાખથી વધુ સ્તન કેન્સરના કેસ નોંધાયા છે. જે આગામી 2025 સુધી 8 લાખથી વધુ થવાની શક્યતા છે. અન્ય કેન્સરની સાપેક્ષે સ્તન કેન્સરની જાગૃતી ઓછી છે. જેના કારણોસર તેની જાણ બિજા સ્ટેજ પછી થતી હોવાથી જીવનું જોખમ રહે છે. પ્રથમ સ્ટેજમાં જ નિદાન થઈ જાય તો, મૃત્યુઆંકમાં નોંધપાત્ર ઘટાડો થઈ શકે છે.

આ ડિવાઈસ સ્તનને 360 અંશથી સ્કેન કરીને સમસ્યા જાણી શકાય છે

રેડલાઈટ ટેક્નોલોજીનો(Redlight technology) ઉપયોગ કરીને બનાવવામાં આવેલ આ ડિવાઈસ સ્તનને 360 અંશથી સ્કેન કરીને તેમાં રહેલી ગાંઠ કે અન્ય સમસ્યા સંબધીત ડેટાનો રીપોર્ટ મોબાઈલ એપ્લિકેશનમાં ફોટોગ્રાફ સહિત રજૂ કરે છે. વર્તમાન સમયમાં ઉપયોગમાં આવતી ટેક્નોલોજીના સરળતાથી ઘરે જ નિદાન(Diagnosing cancer at home) કરવા માટે વપરાતી નથી. જ્યારે રેડ લાઈટ ટેક્નોલોજીનો ઉપયોગ કરીને ડિઆઈસી ઈન્ક્યુબેટર્સ દ્વારા બનાવવામાં આવેલ ડિવાઈસ થકી પરિવારની દરેક મહિલા કોઈ પણ સમયે સ્તન કેન્સર સંબધીત સમસ્યાનું નિદાન કરી શકશે. વર્તમાન સમયમાં આ ડિવાઈસ ક્લિનિકલ ટ્રાયલમાંથી પસાર થઈ રહ્યું છે. આ પ્રક્રિયા ટૂંક સમયમાં પૂર્ણ થઈને આગામી જાન્યુઆરી 2022માં ડિવાઈસને લોન્ચ કરવામાં આવશે.

આ પણ વાંચોઃ મનીષા કોઈરાલાએ આ ભયાનક તસવીરો સાથે પોતાનો કેન્સરની સારવારનો અનુભવ શેર કર્યો

આ પણ વાંચોઃ જીવનને બદલી નાખતી હકીકત : Breast Cancer