BRDSના 100થી વધુ વિદ્યાર્થીઓ દ્વારા યોજાયો વરલી આર્ટ વર્કશોપ અને એક્ઝિબિશન

અમદાવાદ: ભવર રાઠોડ ડિઝાઇન સ્ટુડિયો દ્વારા 4 દિવસનો સર્ટિફાઈડ વરલી વર્કશોપ યોજવામાં આવ્યો હતો. જેમાં વિદ્યાર્થીઓને વરલી પેઈન્ટિંગની મૂળ રૂપ રેખાઓ અને આધુનિકીકરણની કલા જાણવા અને શીખવા મળી હતી. વિદ્યાર્થીઓને આ કલા ગૌરવ તપોધન સર દ્વારા શીખવાડવામાં આવી હતી. તેમજ વિદ્યાર્થીઓએ સારી એવી રીતે કલાને શીખી પણ હતી.

સમગ્ર માહિતી અનુસાર, એક્ઝિબિશનમાં પ્રદર્શિત કરવામાં આવેલ દરેક કલા પરંપરાગત કલાને પ્રતિબિંબિત કરે છે. આ એક્ઝિબિશનમાં વિકસિત ઉત્પાદનો, કપડા, કેનવાસ પેઇન્ટિંગ ,ઘરેલું ડેકોર ઉત્પાદનો જેવા કે વોલપીસ, વોલકલોક, દીવો વગેરે હતા. આ વર્કશોપને વિદ્યાર્થીઓ દ્વારા સારો એવો પ્રતિસાદ પણ મળ્યો હતો.