અમદાવાદના રોડ રસ્તા માટે સિંગલ ટેન્ડરથી 400 કરોડનું કામ 536 કરોડમાં અપાતા વિવાદ સર્જાયો

ચાલુ નાણાકીય વર્ષના અંત ભાગમાં જ્યારે મ્યુનિસિપલ કોર્પોરેશનની સામાન્ય ચૂંટણી યોજોવા જઈ રહી છે. ત્યારે શહેરના તમામ રસ્તાઓ માટે સિંગલ ટેન્ડરથી એક જ કોન્ટ્રાકટરને રૂપિયા 400 કરોડનાં કામ 536 કરોડમાં આપી દેવાતા વિવાદ સર્જાયો છે. આશ્ચર્યજનક બાબત એ છે કે, કોન્ટ્રાક્ટરે અંદાજીત રકમની સામે 34 ટકા ભાગ વધુ ભર્યા હોવા છતાં તેને કામ અપાયું છે. આ મામલે વિપક્ષ કોંગ્રેસ આગામી સમયમાં કી વિજિલન્સ કમિશ્નર સમક્ષ તપાસની માગણી કરશે.

અમદાવાદ : સિંગલ ટેન્ડરથી અમદાવાદના તમામ રસ્તાની કામગીરી રૂપિયા 536,03,39,074.00 ના ભાવથી RKC infrabuilt પ્રા.લિ ને સોંપી દેવાઇ છે. જે ટેન્ડર મંજૂર કરાયું છે, એમાં એક સૂચક બાબત એવી બતાવાય છે કે, હયાત અને નવા રોડની ડિઝાઇન કોન્ટ્રાક્ટર દ્વારા જ કરાશે.

જો ડિઝાઇનની કામગીરી પણ કોન્ટ્રાક્ટર પાસે તૈયાર કરાવવાની હોય તો મ્યુનિસિપલ ઇજનેર ખાતામાં ફરજ બજાવતા ઇજનેરોની શું કામગીરી કરવાની છે. એવો પણ પ્રશ્ન ઉઠાવ્યો છે.

ત્યારે બીજી તરફ સ્ટેન્ડિંગ કમિટી ચેરમેન કહી રહ્યા છે કે, આ રોડ રસ્તા પ્રજાની સુખાકારી માટે જ છે, અને ટેન્ડર એટલે જ પાસ કરવામાં આવ્યું છે કે, રોડ અને રસ્તા હોળી પછી ફરીથી જેવા હતા તેવા લોકોને મળી શકે. રૂપિયા 400,02,53,040ની સામે 37.51 ટકા વધુ ભાવ એટલે કે, રૂપિયા 550,07,47,955.30નો ભાવ ભર્યો હતો.

બીજા બીડર સદભાવ એન્જીનિયરીંગ લિ. દ્વારા 39 ટકા વધુ ભાવ એટલે કે, રૂપિયા 556,03,51,725.60નો ભાવ ભર્યો હતો.