અમદાવાદ: કોરોના સમયમાં અનેક સેવભાવી લોકો આગળ આવીને લોકોને મદદ કરી રહ્યાં છે, પણ આ કોરોના કાળ કેટલીક જગ્યાએ માનવ નહીં પણ માનવતાને પણ મારી રહ્યો છે. એશિયાની સૌથી મોટી સિવિલ હોસ્પિટલમાં માનવ જગતને શર્મશાર કરે તેવો કિસ્સો સામે આવ્યો છે. છેલ્લા એક અઠવાડિયામાં શહેરના રખિયાલ અમરાઈવાડી અને દરિયાપુર વિસ્તાર માંથી 3 અલગ દર્દીઓને સિવિલ હોસ્પિટલમાં આવેલા 1200 બેડ અને કેન્સર હોસ્પિટલમાં એડમિટ કરવામાં આવ્યા હતા, પરંતુ સારવાર દરમ્યાન આ 3એ દર્દીના મોત નિપજ્યા હતા. પરિવારને ડેડ બોડી સોંપતા મૃતકના શરીર પર રહેલા સોનાની બુટી,સોનાની વીટી સહિતના ઘરેણા અને મોબાઈલ ફોનની ચોરી થઇ ગયા હોવાનું સામે આવ્યું હતું, ત્યારે શાહીબાગ પોલીસ પણ આ આરોપીને પકડવા કામે લાગી હતી અને ગુનાને અંજામ આપનાર અમિત શર્મા, રાજ પટેલ નામના બે આરોપીની શાહીબાગ પોલીસએ ધરપકડ કરી છે.
અમદાવાદ: કોરોનાથી મૃૃત પામેલા દર્દીઓના દાગીના અને સામાનની ચોરી કરતા બે આરોપીની ધરપકડ