- ડિગ્રી વગર એલોપથીની દવા આપતા બોગસ ડોક્ટરને ઝડપી પાડયો
- સિરસ પ્રવિણકુમાર સખાણી લાયસન્સ વગર દવાખાનું ચલાવતો હતો
- ગુજરાત મેડિકલ પ્રેક્ટિસ એક્ટ 1963 કલમ 30 મુજબ વિઠલાપુર પોલીસ સ્ટેશનમાં ગુનો
અમદાવાદઃ અમદાવાદ એસઓજીએ ગ્રામ્ય જિલ્લામાં ડિગ્રી વગરના બોગસ તબીબને ઝડપી પાડ્યો છે. પોલીસને બાતમી મળી હતી કે, વિઠલાપુર ચાર રસ્તા ખાતે આવેલા મહેતા કોમ્પલેક્સમાં ડિગ્રી વગરનો બોગસ તબીબ દવાખાનું ચલાવી રહ્યો છે. આ બોગસ ડોક્ટર દુકાન ભાડે રાખી કોઈ પ્રકારની માન્યતા પ્રાપ્ત ડિગ્રી કે લાયસન્સ વગર તબીબી પ્રેક્ટિસ કરતો હતો. એલોપેથિક દવા આપતો આરોપી સિરસ પ્રવિણકુમાર સખાણી (રહેવાસી માંડલ દેસાઈની ખડકી)ને ઝડપી પાડી તેના વિરોધ કાયદેસરની કાર્યવાહી કરી હતી.
વિઠલાપુર પોલીસે બોગસ તબીબને ઝડપી તેના વિરુદ્ધ ગુનો નોંધી કાર્યવાહી હાથ ધરી