અમદાવાદ ક્રાઇમ બ્રાન્ચ દ્વારા વિશાલ ગોસ્વામી, રિન્કુ ગોસ્વામી, અને અજય ગોસ્વામીને અમદાવાદ સેશન્સ કોર્ટના જજ એમ.કે. દવે સમક્ષ રજૂ કરવામાં આવ્યા હતા. જ્યાં અમદાવાદ ક્રાઇમ બ્રાન્ચ દ્વારા આરોપીઓના 30 દિવસના રિમાન્ડની માગ સામે કોર્ટે 8 દિવસના રિમાન્ડ મંજૂર કર્યા છે.
અમદાવાદ ક્રાઇમ બ્રાન્ચ દ્વારા સેશન્સ કોર્ટમાં રજૂઆત કરવામાં આવી હતી કે, આરોપીઓ વિરુદ્ધ ગંભીર પ્રકારના ગુના દાખલ છે અને જેલમાં હોવા છતાં તેમની પાસે મોબાઇલ કઈ રીતે આવ્યા અને જામીન પર બહાર તેમના સાગરીતો થકી વેપારીઓ પાસેથી કઈ રીતે ખંડણી માંગવાનો રેકેટ ચાલતો હતો, તે બાબતે તપાસ કરવા માટે 30 દિવસના રિમાન્ડની માગ કરાઇ હતી. વિશાલ ગોસ્વામી સહિત અન્ય આરોપીઓના વકીલ તરફે દલીલ કરવામાં આવી હતી કે, તેમનું એન્કાઉન્ટર કરી દેવામાં આવશે.
અમદાવાદ સેશન્સ કોર્ટે વિશાલ ગોસ્વામી સહિત 3 આરોપીઓના 8 દિવસના રિમાન્ડ મંજૂર કર્યાં