Ahmedabad news : તંત્ર એ સ્વીકાર્યું, શહેરમાં આવે છે પ્રદૂષિત પીવાનું પાણી, ત્રણ ટાંકી લીકેજ

AMCએ ખાડિયા અને અમરાઈવાડીમાં આવતુ પ્રદૂષિત પાણીની વાત સ્વીકારી છે. ત્યારે આ બાબતને લઈને જાણવા મળ્યું કે, તંત્ર દ્વારા મોટું પેકેજ બનાવીને પાણીની લાઈનનું કામકાજ કરવામાં આવશે. આ ઉપરાંત શહેરમાં ત્રણ ઓવર પાણી ટાંકી લીકેજ થઈ રહી છે. તેના પર પણ વોટર કમિટીમાં ચર્ચા કરવામાં આવી છે.

અમદાવાદ :અમદાવાદ શહેરને સ્માર્ટ સિટી તરીકે ઓળખવામાં આવે છે અને તેનો વિકાસ પણ સ્માર્ટ તરીકે જ કરવામાં આવતો હોય છે, પરંતુ શહેરમાં 24 કલાક પાણી આપવાની વાત અનેકવાર કરવામાં આવે છે. ફરિયાદ અનુસાર કેટલાક વિસ્તારમાં માત્ર ત્રણથી ચાર કલાક જ પાણી આપવામાં આવતું હોય છે. ત્યારે અમદાવાદના એક એવો વિસ્તાર છે કે જ્યાં પાણી તો મળે છે પરંતુ તે પ્રદૂષિત વાળું છે. જેને લઈને અનેકવાર ફરિયાદો ઉઠી હોય છે, ત્યારે આજની વોટર કમિટીની અંદરમાં પ્રદૂષિત પાણી આવવાની ચર્ચા કરવામાં આવી હતી. જેમાંથી મધ્યઝોન કેટલાક વિસ્તારોમાં પ્રદુષિત વાળું પાણી આવી રહ્યું છે.

મધ્ય ઝોનમાં પ્રદુષિત પાણી :વોટર કમિટીના ચેરમેન જતીન પટેલે જણાવ્યું હતું કે, આજની કમિટીમાં મધ્યઝોનમાં પ્રદૂષિત પાણી આવવાની સમસ્યાને લઈને ચર્ચા કરવામાં આવી હતી. જેમાં ખાડિયા વોર્ડમાં ઘણી બધી જગ્યા ઉપર પ્રદૂષિત પાણી આવી રહ્યું છે. ભાવનપુરા પીઠ, સિટીમિલની ચાલી, કટકીયાવાડ, કાંટોડીયા વાસ પ્રદૂષિત પાણી આવી રહ્યું છે, જ્યારે પૂર્વ અમરાઈવાડી વિસ્તારમાં ગુલાબનગર, હનુમાનનગર, રબારી કોલોની પાસે પ્રદૂષિત પાણી આવવાની સમસ્યા સામે આવી છે. જેમાં ડ્રેનેજનું પાણી મિક્સ થઈને પાણી લાઇન સાથે પડે છે. આ તમામ વિસ્તારોની અંદર પ્રદૂષિત પાણી આવતું જોવા મળી રહ્યું છે. જેના સૂચનાઓ આપવામાં આવી છે કે, ડ્રેનેજ અને પાણીની લાઈન બે જુદી થાય તેવું પેકેજ બનાવવામાં આવે જેથી પ્રદૂષિત પાણી આવતું અટકાવી શકાય છે.

આ પણ વાંચો :Dang Rainfall: ચૈત્ર મહિનામાં ચોતરફ પાણી પાણી, આઘાતની જેમ પડ્યો અણધાર્યો મેઘો

પ્રદુષિત પાણી થવાનું કારણ :વધુમાં જણાવ્યું હતું કે, આ પ્રદૂષિત પાણી આવવાનો મુખ્ય કારણ છે કે મધ્યઝોનમાં જૂની પાઈપ લાઈન આવેલી છે, ત્યારે બીજી બાજુ જૂની પાઇપલાઇન હોવાથી તેમાં ગેસ ઉત્પન્ન થઈ રહ્યો છે. ભૂતકાળ સમયમાં જે ગેસના પાઇપ હતા. તે મોટાભાગના અમદાવાદ શહેરમાંથી નીકળી ગયા છે. પરંતુ જે મધ્ય વિસ્તારના ગીચવાળા વિસ્તારમાં જે પાઇપ છે. જેના કારણે અને તે ગેસના પાઈપો પાણીમાં અને ડ્રેનેજલાઇનનું પાણી એક કરી રહ્યા છે. જેના કારણે પ્રદૂષિત પાણી આવવાની સમસ્યા ઊભી થઈ રહી છે.

આ પણ વાંચો :Rajkot Water Problem : રાજકોટમાં ખુદ મેયરના વૉર્ડમાં જ પીવાના પાણીની સમસ્યા

ત્રણ ઓવરહેડ ટાંકી લીકેજ :અમદાવાદ શહેરમાં કોર્પોરેશન દ્વારા બનાવવામાં આવેલી પાણી ટાંકીની અંદરથી પાણી લીકેજ થવાની ઘટનાઓ પણ સામે આવી રહી હતી. છેલ્લા ઘણા સમયથી અમદાવાદ શહેરમાં ત્રણ નવે પાણી ટાંકી તૈયાર કરવામાં આવી છે. તેમાંથી પાણી લેટેસ્ટ સવારી ઘટના સામે આવી હતી. જેમાં વસ્ત્રાલ, ઘોડાસર સહિતની કુલ ત્રણ જગ્યા પરથી પાણી લીકેજ થવાની ઘટના સામે આવી છે, ત્યારે આજની કમિટીમાં તે પાણીની કારણ શું છે અને તે તાત્કાલિક રીપેર કરવાની પણ સૂચનાઓ આપવામાં આવી છે.