અમદાવાદ મનપાના ભંડોળમાં ટેક્સની રેકોર્ડબ્રેક 1286.55 કરોડની આવક થઈ

અમદાવાદ કોર્પોરેશનને મળતાં વિવિધ ટેક્સમાંથી રેકોર્ડબ્રેક આવકનો આંકડો સામે આવ્યો છે. અમદાવાદ મનપાના ભંડોળમાં ટેક્સની રેકોર્ડબ્રેક 1286.55 કરોડની આવક થઈ છે. સાથે જ જાણવા મળ્યું છે કે ટેક્સ રિબેટની અંતિમ તારીખમાં વધારો કરાયો છે.

અમદાવાદ: શહેરમાં ટેક્સ ચૂકવવામાં બાકી હોય તેવા લોકો માટે અમદાવાદ મ્યુનિસિપલ કોર્પોરેશન તરફથી સારા સમાચાર છે જે માટે કંઈ રિબેટ છે તેની અંતિમ તારીખમાં વધારો કરાયો છે. 15 માર્ચને બદલે 31 માર્ચ સુધી રિબેટ મળી શકશે. બીજી વખત આ ટેક્સ રિબેટની સ્કીમનો સમય લંબાવાયો છે. પહેલા ટેક્સ રિબેટ મળવાની અંતિમ તારીખ 15 માર્ચ હતી.

મનપાના સત્તાધીશોનું માનવું છે કે તેના જ પ્રતાપે મનપાના ભંડોળમાં રેકોર્ડ બ્રેકિંગ આવક થઈ છે. ટેક્સમાં 1286.55 કરોડની આવક પ્રાપ્ત થઇ છે. જેમાંથી પ્રોપર્ટી ટેકસમાં 1030.28 કરોડની આવક, પ્રોફેશનલ ટેક્સમાં 174.89 કરોડ, વેહિકલ ટેક્સમાં 81.38 કરોડની આવક પ્રાપ્ત થઈ છે. બે વર્ષથી રીબેટ આપવાની સ્કીમને કારણે આવક વધી છે જેમાં એએમસીના ઇતિહાસમાં પ્રથમ વખત આટલા મોટાપાયે આવક પ્રાપ્ત થઇ છે. રાજ્ય સરકાર બાળકોના મૃત્યુ અટકાવવા માટે સેમી વેન્ટિલેટર વસાવશે.