અમદાવાદઃ તહેવારોનો માહોલ છતાં કોરોનાના કારણે પાટડીના બજારો સુમસામ

કોરોનાના ડરના કારણે લોકો બજારમાં જવાનું ટાળી રહ્યા છે. જેના કારણે નાના મોટા તમામ ધંધાને ખૂબ નુકસાન પહોંચી રહ્યું છે. આવી જ સ્થિતિ વિરમગામના પાટડીમાં જોવા મળી રહી છે. પાટડીમાં 89 ગામના લોકો દર વર્ષે ખરીદી કરવા આવે છે. હાલમાં તહેવારોની સિઝન હોવા છતાં પાટડીના બજારો સુમસામ ભાસી રહ્યા છે. ગ્રાહકો ન આવવાથી વેપારીઓ પણ નવરા બેઠાં બેઠાં કંટાળી ગયા છે.

• પાટડીની બજારો તહેવાર હોવા છતાં સુમસામ

• 89 ગામના લોકો ખરીદી કરવા પાટડી આવે છે

• તહેવારોને લીધે વેપારીઓએ લાખો રૂપિયાનો માલ દુકાનમાં ભરેલો છે

વિરમગામઃ એવો એક પણ ધંધો નથી જેને કોરોનાને કારણે નુકસાન ન વેઠવું પડ્યું હોય. આવી જ રીતે વિરમગામના પાટડીમાં પણ કોરોનાને કારણે બજારો સુમસામ જોવા મળી રહી છે. 89 ગામના લોકો પાટડીમાં ખરીદી કરવા આવે છે, પરંતુ આ વખતે કોરોનાના ગ્રહણને કારણે આ વખતે પાટડીના બજારોમાં ગ્રાહકો નહીંવત જોવા મળી રહ્યા છે.

અમદાવાદઃ તહેવારો છતાં કોરોનાને કારણે પાટડીના બજારો સુમસામ

લાખો રૂપિયાનો માલ સામાન દુકાનમાં છે, પરંતુ ગ્રાહકો નહીંવત્ છે

આ અંગે પાટડીના દુકાનદારોએ કહ્યું, તહેવારને ધ્યાનમાં રાખી અમે લાખો રૂપિયાનો માલ સામાન દુકાનમાં ભરી રાખ્યો છે. કોરોના પહેલા 89 ગામોમાંથી લોકો પાટડીમાં ખરીદી કરવા આવતા હતા, પરંતુ આ વખતે કોરોનાને કારણે અમારો માલ સામાન ખરીદવા કોઈ ગ્રાહક નથી આવી રહ્યું. પાટડીના બજારોને આર્થિક માર સહન કરવાનો વારો આવ્યો છે. આથી બજારમાં મંદીનો માહોલ જોવા મળી રહ્યો છે.