અમદાવાદ: ક્રાઈમ બ્રાન્ચે મૂળ બાયડના રહેવાસી એવા પ્રકાશ ઉર્ફે પકો સલાડ નામના આરોપીની ધરપકડ કરીને 1 રીક્ષા, 17 લાખ 70 હજાર રોકડા અને 4 લાખ 65 હજારના દાગીના કબ્જે કર્યા છે. આરોપીએ તેના સાગરીત આરોપી કૈલાશ રાજગોર સાથે મળીને પાંચ દિવસ પહેલા રિક્ષા લઈને રેકી કરી હતી અને તક મળતાં જ ધાબા પરથી નીચે ઉતરી અને રૂમમાં તિજોરીમાં પડેલા રોકડ અને દાગીના લઇને ફરાર થઈ ગયા હતાં.
અમદાવાદમાં પોલીસમાં ભરતી થવા માંગતો યુવક ચઢ્યો ચોરીના રવાડે આ બંને આરોપીઓએ સરખા હિસ્સે મુદ્દામાલની વહેંચણી કરી હતી. જો કે, પ્રકાશ પકડાયો હોવાની જાણ થતાં જ આરોપી કૈલાશ રાજગોર ફરાર થઇ ગયો છે. જેમાં આરોપી પ્રકાશને પોલીસમાં ભરતીમાં જવું હતું, પરંતુ પાસ ન થતાં તે ભરતીમાં જઇ શક્યો ન હતો, ત્યારબાદ કૈલાશ સાથે રહીને ચોરીના રવાડે ચડી ગયો.
આરોપીના ગુનાના ઇતિહાસની વાત કરીએ તો વર્ષ 2015માં સાબરમતી અને સરદારનગર પોલીસ સ્ટેશનમાં તેમજ વર્ષ 2018માં એરપોર્ટ પોલીસ સ્ટેશનમાં ઘરફોડ ચોરીના ગુનામાં પકડાઇ ચૂક્યો છે.
